¿A tsalpayamal kit kʼalej kʼal an Escuela para Evangelizadores del Reino?

Walám tatáʼ a kwaʼal 23 ma ti 65 i támub, i tʼojnal jantʼiniʼ i precursor, yab it lej yaʼul ani a léʼ kit kʼalej ta tólmix júʼtaj u yejencháb más i ólnom, ¿a tsalpayamal ka tʼuchiy jun i solicitud abal kit kʼalej kʼal an Escuela para Evangelizadores del Reino? Ma ti tʼajan an kʼaʼál clase, miles i epchal in baliyamal i solicitud abal ka kʼalej, yan i epchal tómkidh ani kʼeʼatchik kwetém. Pero axi más u yejencháb pel i epchal inik axi kwetém. Ka uchaʼ a Jehová abal a léʼ ka tʼojonchij más ani abal a léʼ ka nitsʼbiy a Jesús (Sl 40:8; Mt 20:28; Heb 10:7). Ka tsalpay jantʼoj a éjtowal ka tʼajaʼ abal kit kʼwajiy más jolat abal ka ejtow kit kʼalej kʼal an escuela.

¿Jantʼoj in ejtowamal kin tʼajaʼ jitaʼchik kʼalnek kʼal axéʼ an escuela? Talchik i epchal abnének ti tólmix júʼtaj tu kawnáb kʼeʼat i kawintaláb, kʼeʼatchik u tólmix ban olnomtaláb pública ban pakdhaʼ bichow. Talchik, u bijiyáb ti kalchix kʼal an óknom axi ti circuito, ti óknom kʼal an circuito o ti misioneros. Biyat a tsálpayal jantʼoj a éjtowal ka tʼajaʼ abal ka tʼojonchij más a Jehová, ka nitsʼbiy in tsalápil an kawlomej Isaías, jajáʼ in uluw: «¡Tejéʼ in kʼwajat, ti kin abaʼ nanáʼ!» (Is 6:8).

TALBÉL TA TSUʼUMAL AN VIDEO AN MISIONEROS U TʼOJNAL LEJ TSAPIK ABAL KIN TʼAJAʼ I AYKOL, KA TÓKʼTSIY AXÉʼ XI KONOWIXTALÁBCHIK:

• 

  ¿Jantʼiniʼ tu takuyáb an misioneros?

• 

  ¿Jantʼoj tam alwaʼ tʼojláb kʼwajat in tʼajál an misioneros?

• 

  ¿Jantʼoj tam lablixtaláb in batsʼuwal an misioneros?