¿Jantʼoj kʼwajat u tʼajál abal ku ejtow kin pujan?
I EJATAL TU AYKOL KʼAL A CRISTO
Ka takuy ka tʼojonchij a Jehová
Walám tatáʼ pel i publicador ani yabayej it pujadh o walám kʼwajat a exobnál an Biblia, ¿a tsalpayamal kit pujan? ¿Jaleʼ in tomnál kit pujan? Kom tam ki pidhaʼ i ejatal a Jehová ani ku pujan, i tújuwal ku utey kʼal Jajáʼ, ani antsanáʼ neʼets ki ejtow ki kʼaniy i ejatal (Sl 91:1; 1Pe 3:21). ¿Jantʼoj kwaʼal ki tʼajaʼ abal ki pidhaʼ i ejatal a Jehová ani ku pujan?
Ka lej belaʼ abal jawaʼ kʼwajat a exobnál játs jawaʼ chubax. Max waʼats jantʼoj axi yab a éxbayal alwaʼ, kit exobláts (Ro 12:2). ¿A yéjenchalej ka jalkʼuy jantʼoj ta ejatal? Ka tsápnanchij ka tʼajaʼ kom a léʼ ka kulbedhaʼ a Jehová (Pr 27:11; Ef 4:23, 24). Ka konchij a Jehová ti tólmiy ani ka lej belaʼ abal Jajáʼ neʼets ti pidhaʼ in tʼokat tsaplábil (1Pe 5:10, 11). Jawaʼ neʼets kin tʼajaʼ abal ku kʼwajiy kulbél, pel ki tʼojonchij a Jehová (Sl 16:11).
TALBÉL TA TSUʼUMAL AN VIDEO KA TSÁPNANCHIJ ABAL KIT PUJAN, KA TÓKʼTSIY AXÉʼ XI KONOWIXTALÁBCHIK:
¿Jantʼoj in tʼajamal talchik i epchal abal kin ejtow ka pujan?
¿Jantʼoj a éjtowal ka tʼajaʼ abal ka lej belaʼ kʼal a Jehová ani ka pidhaʼ a ejatal?
¿Jaleʼ ti yan i epchal in léʼnaʼ kin tsápnanchij abal ka pujan?
¿Jantʼiniʼ in lábliyal a Jehová jitaʼchik in tákuyal ka pujan?
¿Jantʼoj in léʼ kin uluw ki pidhaʼ i ejatal a Jehová ani ku pujan?