Ki tejwamédhaʼ i kʼanidhomtaláb al i yanél

An kʼanidhomtaláb játs axi in tʼajál abal jun i yaneláb ka kʼwajiy junkudh. Max yab waʼats i kʼanidhomtaláb, kʼibat neʼets kin atsʼaʼchik ka kʼwajiy junkudh ani ka tʼojon junax. ¿Jantʼiniʼ in éjtowal kin tejwamédhaʼ i kʼanidhomtaláb jitaʼchik tomkidh ani jitaʼchik pel i tataláb?

Jun i inik axi in kʼanidhál in kʼimadhil in tʼajchal ti kwéntaj jawaʼ in yéjenchal, jawaʼ in atsʼál ani jawaʼ in tsálpayal (Ef 5:28, 29). Jajáʼ neʼets kin pidhaʼ in kʼimadhil jawaʼ in yéjenchal ani neʼets kin tʼajaʼ an kʼakʼnaxtaláb kʼal in yanél abal ka uteychik más kʼal a Jehová (1Ti 5:8). Jun i tomkidh uxum axi in pútuwal kʼal in uchbíl in kʼakʼnál in tomkíl (Ef 5:22, 33; 1Pe 3:1-6). Tsáblom kwaʼal ka pakwlanchixin (Ef 4:32). An tatalábchik axi kʼanidhom in beletnál alwaʼ in tsakámil ani in exóbchal kin kʼánidhaʼchik a Jehová (Dt 6:6, 7; Ef 6:4). ¿Jantʼoj tam kʼibataláb in tametnál a tsakámil ti escuela? ¿Jantʼoj in tʼajalchik tam u nixoknáb kin tʼajaʼ jantʼoj axi yab tekedh? Max waʼats i kʼanidhomtaláb al jun i yaneláb, patal neʼets kin atsʼaʼ abal kʼwajat béletnadh.

TALBÉL TA TSUʼÚMAL AN VIDEO ETSʼEY KI TEJWAMÉDHAʼ ABAL I KʼANIDHÁL I YANÉL, KA TÓKʼTSIY AXÉʼ XI KONOWIXTALÁBCHIK:

• 

  ¿Jantʼoj in tʼajál jun i inik axi tomkidh abal kin béletnaʼ kʼal i kʼanidhomtaláb in kʼimadhil?

• 

  ¿Jantʼiniʼ in tejwamedhál jun i tomkidh uxum abal in kʼakʼnál in tomkíl?

• 

  ¿Jantʼiniʼ in tsápnanchal an tatalábchik kin tʼilmay in tsakámil tin kwéntaj a Jehová?