Yab ki wátʼkʼanchij kʼal an utsʼnél axi u wíledhax

Patal axi in kʼakʼnál a Jehová yab in tomnál kin wátʼkʼanchij kʼal an utsʼnél axi u wíledhax (Pr 23:20, 29-35; 1Co 6:9, 10). Max jun i epchal in takuyámal kin utsʼaʼ i vino kwaʼal kin exlaʼ kin eyendhaʼ ani yab kin jilaʼ ka atáj. Jayej yab kwaʼal kin tʼajaʼ abal axi más an epchal ka tʼeʼpin (1Co 10:23, 24; 1Ti 5:23). Yab kwaʼal ki níxoknaʼ an epchalchik nibal axi más tsákamej abal ka utsʼalin.

TALBÉL TA TSUʼÚMAL AN VIDEO YAB KA JILAʼ ABAL TI ODHNAʼ AN UTSʼNÉL, KA TÓKʼTSIY AXÉʼ XI KONOWIXTALÁBCHIK:

• ¿Jaleʼ ti kwaʼal ki belkaʼ jawaʼ in ulal an eyalchik tin kwéntaj an utsʼnél axi u wíledhax? (Ro 13:1-4).

• ¿Jaleʼ ti yab kwaʼal ki jilaʼ abal axi kʼeʼatchik tu ku níxoknaʼ abal ku utsʼalin? (Ro 6:16).

• ¿Jantʼoj kwaʼal ki tʼajaʼ abal yab tu ku odhnaʼ an utsʼnél?