Kit kʼwajiy kulbél abal etsʼey: tolmixtaláb abal ki olnaʼ an chubaxtaláb

¡Lej kulbél i atsʼál ki koʼoy jun i ít libro ani jun i ít folleto abal ki tujuw i exobintaláb kʼal an Biblia! I konchal a Jehová abal kin lábliy an tsapláb axi i tʼajál abal ki tʼajaʼ más i aykol (Mt 28:18-20; 1Co 3:6-9). ¿Jantʼiniʼ ti éjtowal ki eyendhaʼ axéʼ xi ít folleto ani axéʼ xi ít libro?

Kom kʼal axéʼ xi ít libro in yéjenchal ka tʼilmay an atikláb, jayej in tomnál ka jalkʼuy jantʼiniʼ ta binál an exobintaláb. Jaxtám, tam kit tʼojojon abal ka bínaʼ i exobintaláb kʼal an Biblia, ka tʼajaʼ ti kwéntaj axéʼ xi tsalapchik:a

• Ka ajiy an ajumtaláb ani ka exóbnaʼ an konowixtalábchik.

• Ka ajiy patal an textos ani ka tólmiy an exóbal kin exbay jantʼoj tu exóbchal.

• Ka punuw an videos ani ka tʼajaʼ an konowixtalábchik axi in chiʼdhál an publicación.

• Tam kit exobláts, ka exáʼ ka ajiy jun i ajumtaláb kidhat.

Tam kit olnomáts ka olnaʼ okʼox an folleto, antsanáʼ neʼets ka tʼajaʼ ti kwéntaj max an atikláb in leʼ kin exlaʼ más (ka tsuʼuw an recuadro «Jantʼiniʼ ka olnaʼ an folleto Kit kʼwajiy kulbél abal etsʼey tam kʼaʼál a tsaʼbiyal» axi kʼwajat ban página 16). Max a taʼpaʼits ka exóbnaʼ an folleto ani an exóbal in leʼ kin áynanchij ti exóbal awil ka áynanchij ka exóbchij kʼal an libro ani ka tujuw ban ajumtaláb 4. Max kʼwajatits a exóbchal jitaʼ kʼal jun i publicación, tʼajatits a éjtowal ka exóbnaʼ an libro Kit kʼwajiy kulbél abal etsʼey. An epchal neʼets kin takuy jawaʼ tam ajumtaláb neʼets kin takuy abal kin bínaʼ an exobintaláb.

TALBÉL TA TSUʼÚMAL AN VIDEO ALWAʼ ULNEK KʼAL AN EXOBINTALÁB KʼAL AN BIBLIA, KA TÓKʼTSIY AXÉʼ XI KONOWIXTALÁBCHIK:

• ¿Jantʼoj neʼets kin exóbnaʼ an exóbal kʼal axéʼ xi ít libro?

• ¿Jaleʼ ti kwaʼal ka punchij axéʼ xi video an ít exóbalchik?

• ¿Jantʼoj a éjtowal ka uchaʼ an exóbal kin tʼajaʼ? (Ka tsuʼuw an recuadro «Tsalapchik axi más exbadh ani jawaʼ in olnál an pejach abal in éjtowal kin tʼajaʼ an exóbal»).