¿Jantʼoj i exóbnal tin kwéntaj in ejatal a Samuel?

A Samuel kʼwajiy putudh tin naktal in ejatal. Tin tsakamtal, jajáʼ yab in nitsʼbiy jawaʼ in tʼajálak in tsakámil a Elí —a Hofní ani Finehás—, jajáʼchik lej jekʼombéj (1Sa 2:22-26). A Samuel in áynanchij ti puwel ani etsʼey lábliyat kʼal a Jehová (1Sa 3:19). Ani tam ti páyey, in áynanchij kin bélkaʼ a Jehová belits abal in tsakámil yab in tʼajaʼ (1Sa 8:1-5).

¿Jantʼoj tu exóbchal in tʼiplábil a Samuel? A Jehová in exbayal ani in tsuʼtal an kʼibataláb axi in tametnál an kwitól ani an tsʼikʼách. Jajáʼ neʼets ti pidhaʼ i iniktaláb (Is 41:10, 13). An tatalábchik axi in kwaʼal i tsakam ani in jilamal a Jehová, neʼets ka kanatbedháj kʼal in tʼiplábil a Samuel, kom jajáʼ yab jaykʼiʼ tin nixoknaʼ abal in tsakámil kin belkaʼ an abatnaxtaláb in kʼal a Dios. A Samuel in jilchij a Jehová an tʼeʼpintaláb ani in áynanchij kin tʼojonchij kʼal i kulbetaláb ani i putudhtaláb. Walám in tʼiplábil an tatalábchik kin tólmiy abal in tsakámil ka wichiy kʼal a Jehová.

TALBÉL TA TSUʼÚMAL AN VIDEO KI EXÓBNAʼ TIN KWÉNTAJ JAJÁʼCHIK: A SAMUEL, KA TÓKʼTSIY AXÉʼ XI KONOWIXTALÁBCHIK:

• 

  ¿Jantʼiniʼ in tejwamédhaʼ i iniktaláb a Samuel tam ti tsakamej?

• 

  ¿Jantʼiniʼ in tejwamédhaʼ i iniktaláb a Danny?

• 

  ¿Jantʼoj tam alwaʼ tʼiplab in jilaʼ a Samuel tam ti payeblábits?

• 

  ¿Jantʼoj tam alwaʼ tʼiplab in bínaʼ in papá ani in mamá a Danny?