Kit kʼalej juʼtáj más u yejencháb i tolmixtaláb

In yéjenchal ki lej belaʼ kʼal a Jehová abal ki jilaʼ i kʼimáʼ ani ku kʼalej tu tólmix al pil i tamkuntaláb (Heb 11:8-10). Max a tsalpayámalits, a éjtowal ka tʼilmay an ókʼnomchik. ¿Jantʼiniʼ a éjtowal ka exlaʼ max tékedhits jawaʼ a tsálpayal ka tʼajaʼ? Ka aliy i tólmixtaláb ban publicaciones ani ka tʼilmay i epchalchik axi kʼalnek ti tólmix al pil i tamkuntaláb (Pr 15:22). Ka konchij a Jehová ti tólmiy (Snt 1:5). Ka tsápnanchij ka exlaʼ jantʼiniʼ játs an kwenchal juʼtáj a tsálpayal kit kʼalej. Jayej a éjtowal kit kʼalej jun watʼel ka tsaʼbiy an tamkuntaláb.

TALBÉL TA TSUʼÚMAL AN VIDEO KA KOʼOY MÁS I BELOMTALÁB ABAL KA TʼOJONCHIJ MÁS A JEHOVÁ. KIT KʼALEJ JUʼTÁJ MÁS U YEJENCHÁB I TOLMIXTALÁB, KA TÓKʼTSIY AXÉʼ XI KONOWIXTALÁBCHIK:

• ¿Jantʼoj tam kʼibataláb in kwaʼalak a Gabriel ani kʼal jantʼoj ti tólmiyat?