An tsalpadhtaláb játs axi más in kwaʼal in jalbíl

A Salomón in konchij a Jehová abal ka pidhan i tsalpadhtaláb (1Re 3:7-9; w11 15/12 8 párrs. 4-6).

A Jehová in kulbétnaʼ abal konchat kʼal a Salomón i tsalpadhtaláb (1Re 3:10-13).

An bichow kʼwajiy alwaʼ béletnadh kom a Salomón in jilálak abal ka exóbchat kʼal a Jehová (1Re 4:25).

An atikláb axi tsalpadh in exlál yan jantʼoj, in éxbayal ani in eyendhál jawaʼ in exlál abal kin tsalpay alwaʼ jawaʼ neʼets kin tʼajaʼ. An tsalpadhtaláb játs axi más in kwaʼal in jalbíl (Pr 16:16). Abal ki koʼoy i tsalpadhtaláb, kwaʼal ki konchij a Jehová tu ku pidhaʼ, kwaʼal ki kʼakʼnaʼ ani ki koʼoy i tsaʼataláb. Jayej kwaʼal ki exbay abal yab i éjtowal ki béldhaʼ i ejatal ti kwetémtal ani kwaʼal ki exóbnaʼ an Biblia.