Ka eyendhaʼ jw.org abal ka elaʼ i exobchixtaláb axi ti tólmiy

An Biblia tu pidhál patal an exobchixtaláb axi i yéjenchal abal ki ejtow ki watʼenchij jawákits tam kʼibataláb axi xowéʼ waʼats (2Ti 3:1, 16, 17). Pero kom lej pilchik an kʼibataláb axi i tametnál, junchikíl i yéjenchal ki exlaʼ jantʼoj in tsálpayal a Jehová kʼal an kʼibataláb axi wawáʼ kʼwajat i tametnál. Jun i tʼiplab, ¿kʼwajat a yedhál a tsakámil?, ¿kʼwajat a yajchiknál kom tsemets a kʼimádhil o a tomkíl?, o walám tatá pel it tsakam, ¿ti nixoknál a junkuwál abal ka tʼajaʼ jantʼoj axi yab tekedh? Ti jw.org waʼats yan i artículos axi in chiʼdhál i tsalpadh kaw axi ti Biblia. Nixéʼ neʼets tu ku tólmiy abal ki exlaʼ jantʼiniʼ ki tamétnaʼ axéʼchik xi kʼibataláb (Pr 2:3-6).

Kit otsits ti jw.org ani ka niʼchij juʼtáj tin ulal «Exobchixtaláb axi kaldhach ti Biblia», talbél ka takuy jawaʼ a léʼ ka ajiy (imagen 1). O ka niʼchij juʼtáj tin ulal «Publicaciones» ani talbél «Talchik i artículos». Tanáʼ a éjtowal ka takuy jawaʼ ka léʼnaʼ. Jayej a éjtowal ka aliy ti JW Library^® ani neʼets ka elaʼ.a Lej alwaʼak max kit otsits ani ka tsuʼuw an artículos axi kʼwajat tanáʼ. Jayej a éjtowal ka dhuchaʼ ban tsakam lupa axi ti jw.org jawaʼ a léʼ ka aliy:

Ka dhuchaʼ ban tsakam lupa an temas axi kʼwajat alál ani ka takuy jawaʼ tam artículos a léʼ ka ajiy.

• Ka exóbchij a tsakámil

• ¿Jaleʼ tu tʼeʼpinal an tsákamchik?

• Max a kʼibamal a kʼimádhil o a tomkíl