¿It kʼwajat a eyendhál an audio in kʼál an Biblia?

¿Jantʼoj játs an audio in kʼál an Biblia? Pel an grabación in kʼál an Traducción del Nuevo Mundo, in kʼál an Biblia axi más ítej ti kalnek. Axéʼ an Biblia kʼwajat ti wilkʼáb al yan i kawintaláb. An audio lej kʼijidh kom u tʼipchinal in kawintaláb patal an atikláb axi u olnáb ti Biblia. Patal axi u kaw ban grabación in tsapnanchámal kin uluw an kaw antsanáʼ jantʼiniʼ kʼwajat ti Biblia, abal antsanáʼ ki exbay jawaʼ játs an exobchixtaláb axi in léʼ tu ku pidhaʼ an Biblia.

¿Jaleʼ ti lej alwaʼ ki atsʼaʼ an audio in kʼál an Biblia? Yan i epchal in ulal abal lej tolmiyámej kʼal an audios, kom ejtíl max kʼwajat in tsuʼtal jawaʼ neʼets in atsʼál. Tam kin atsʼaʼchik an audio, in éxbayal más alwaʼ jawaʼ kʼwajat in atsʼál ani antsanáʼ in éxbayal alwaʼ an exobchixtaláb (Pr 4:5). Kʼeʼatchik i epchal in ulal abal tam kin atsʼaʼchik an ajumtaláb in kʼal an Biblia, in atsʼál más kanat ani koyat in ichích ani u tolmiyáb abal yabáts kin atsʼaʼ lej tʼeʼpidh (Sl 94:19).

An audio in kʼál an Biblia in éjtowal ti lej tólmiy ta ejatal (2Cr 34:19-21). Max an grabación in kʼál an Biblia kʼwajat ta káwintal, o al jun i kawintaláb axi tatáʼ a éjtiyal, ¿jaleʼ ti yab a tsápnanchal ka eyendhaʼ?

TALBÉL TA TSUʼÚMAL AN VIDEO JAWAʼ TʼAJNÉNEK ABAL KA KALDHÁJ AN BIBLIA TI AUDIO (PEJACH), KA TÓKʼTSIY AXÉʼ XI KONOWIXTALÁB:

¿Jantʼoj játs axi más a jikʼpál kʼal an tʼojláb axi tʼajnének abal ki koʼoy an Biblia ti audio?