¿Jantʼoj i éjtowal ki exóbnaʼ?

¿Jantʼiniʼ ti éjtowal ki exlaʼ jawaʼ itekʼij ti olnamej tin kwéntaj jun i exobchixtaláb?

Lej kulbél i atsʼál kom xowéʼ ta kʼicháj a Jehová kʼwajat tu tólmiyal ki exbay kʼayúm kʼayúm jawaʼ tu exóbchal an Biblia (Dan. 12:4). Belits antsanáʼ walám junchikíl i atsʼál wéʼ kʼibat ki exóbnaʼ patal jawaʼ itekʼij ti kalnek tin kwéntaj jun i exobchixtaláb. ¿Juʼtáj ti éjtowal ki elaʼ jawaʼ itekʼij kalnek tin kwéntaj jun i exobchixtaláb?

• Ban Índice de las publicaciones Watch Tower neʼets ka elaʼ jun i pejach axi in bij «Aclaración de creencias» tanáʼ kʼwajat jun i lista kʼal an exobchixtaláb axi itekʼij ti kalnek ban támub axi watʼenek. Abal ka elaʼ axéʼ xi exobchixtalábchik ka dhuchaʼ axéʼ, «aclaración de creencias» (ka punchij an comillas) ban Watchtower Library o ban BIBLIOTECA EN LÍNEA Watchtower^™.

• An Guía de estudio para los testigos de Jehová jayej in kwaʼal jun i lista juʼtáj ti kʼwajat an exobchixtaláb axi más itekʼij ti kalnek. Abal ka ejtow ka elaʼ kit kʼalej ban pejach, «Los testigos de Jehová», talbél ti «Opiniones y creencias» ani tin taltal «Aclaración de nuestras creencias».

¿Jaleʼ ti yab a tsápnanchal ka exóbnaʼ ta kwetemtal jun i exobchixtaláb axi itekʼij ti kalnek? Ka exóbnaʼ jantʼiniʼ ti éxbayal xowéʼ jun i exobintaláb ani jaleʼ tin yejenchij ka wéʼ jalkʼuyat.