Jitaʼchik in lej kʼanidhál a Jehová in tsápnanchal kin putuw jawaʼ in ulúmal

Ka ajiy Jueces 11:​30-40 abal ki exlaʼ jantʼoj in tʼajaʼ a Jefté ani in tsʼikʼáchil ani jayej tu ku tólmiy ki exlaʼ jantʼiniʼ ki putuw jawaʼ i ulúmal.

Ka aliy i olchixtaláb axi ti tólmiy ka exbay. ¿Jantʼoj in tsálpayalak an israelitas axi putudh kʼal a Jehová tam in uchálak abal neʼets kin tʼajaʼ jantʼoj? (Núm. 30:2). ¿Jantʼiniʼ tin tejwamédhaʼ a Jefté ani in tsʼikʼáchil abal in lej belálak kʼal a Jehová? (Juec. 11:​9-11, 19-24, 36).

Ka exóbnaʼ más kʼal jawaʼ walám watʼey. ¿Jantʼoj in léʼnaʼ kin uluw a Jefté kʼal jawaʼ in uchaʼ a Jehová? (w16.04-S 7 párr. 12). ¿Jantʼoj koʼoy kin tʼajaʼ a Jefté ani in tsʼikʼáchil abal kin putuw jawaʼ in ulúmal? (w16.04-S 7, 8 párrs. 14-16). ¿Jantʼoj i éjtowal ki uchaʼ a Jehová abal neʼets ki tʼajaʼ? (w17.04-S 5-8 párrs. 10-19).

Ka tsalpay kʼal jawaʼ ti exóbchal an tʼilab. Ka konowiy ta baʼ:

• ¿Jantʼoj neʼets ti kin tólmiy abal ku putuw jawaʼ u uchaʼ a Jehová tam tu pidhaʼ u ejatal? (w20.03-S 13 párr. 20).

• ¿Jantʼoj u éjtowal ku jalkʼuy tu ejatal abal ku tʼojonchij más a Jehová?

• ¿Jantʼoj neʼets ti kin tólmiy abal ku putuw kʼal jawaʼ u uluw tam tin tomkin? (Mat. 19:​5, 6; Efes. 5:​28-33).