Olchixtaláb

a An atiklábchik lej pójkaxits, jaxtám lej wéʼ i atikláb axi in tʼajál jawaʼ a Dios in ulal abal tekedh. Pero waʼats yan i atikláb axi kʼwajat in tsápnanchal kin tʼajaʼ jawaʼ a Jehová in ulal abal bolidh. Walám tatáʼ jayej kʼwajat a tʼajál. Tatáʼ a tsápnanchal ka tʼajaʼ jawaʼ a Jehová in ulal abal tekedh kom a kʼanidhál. ¿Jantʼoj i éjtowal ki tʼajaʼ abal ki áynanchij ki kʼanidhaʼ an abatnaxtaláb axi in binámal a Jehová? Tejéʼ neʼets ki exóbnaʼ. Pero okʼox neʼets ki tsuʼuw jantʼoj játs axi a Jehová in léʼ abal ki tʼajaʼ ani jaleʼ ti lej exbadh ki bélkaʼ jawaʼ Jajáʼ tu uchál.