«Jún i tsʼejwalixtaláb abal a Jehová»

¿Jantʼiniʼ i ejtowal xowéʼ ki tʼuchiy i kʼubak kʼal «jún i tsʼejwalixtaláb abal a Jehová»? (1Cr 29:5, 9, 14). Alál u olnáb jantʼiniʼ i ejtowal ki bínaʼ i donaciones abal kin aynanchij an tʼojláb axi i tʼajál jantʼiniʼ u ólchix kʼal a Jehová, ti kwenchalabil ani tin puwél an tsabál.

AN DONACIONES AXI I TʼAJÁL TI INTERNET O AXI I BINÁL BAN CAJAS DE CONTRIBUCIONES U EYENDHÁB ABAL AXÉʼ:

• 

  AN TʼOJLÁB TIN PUWÉL AN TSABÁL

  abal ka tsʼejkáj ani ka beletnáj i sucursales, ani abal i atájchik juʼtáj u wilkʼáb i publicaciones

  escuelas teocráticas

  i epchalchik axi in tʼójonchal patal an kʼij a Jehová

  abal ki tólmiy juʼtáj watʼenek i yajchiktaláb

  abal ka tsʼejkáj i videos ani i publicaciones ti úw ani ti internet

• 

  JAWAʼ U PAKWNAL TI TAMKUNTALÁB

  abal ka beletnáj an atáj juʼtáj u támkunal ani ka jálbiyat an jáʼ, an kʼamal ani kʼeʼat jantʼoj

  donaciones axi an tamkuntaláb in uluwamal abal neʼets kin abchij an sucursal abal ka eyendháj:

  • abal tin puwél an tsabál ka tsʼejkáj i Atáj Tamkuntaláb ani i Atáj abal i Púlik Tamkuntaláb

  • abal an Programa Mundial de Ayuda

  • abal kʼeʼatchik i tʼojláb axi u tʼajnal tin puwél an tsabál

PÚLIK TAMKUNTALÁB REGIONAL ANI TI CIRCUITO

An donaciones axi u támkunal ti púlik tamkuntaláb regional u eyendhab abal an tʼojláb axi tin puwel an tsabál. An tumín axi u dhaynal abal an tʼojláb axi tin puwel an tsabál u eyendhab abal ka jálbiyat jawaʼ u pakwnal ban púlik tamkuntaláb regionales, especiales ani internacionales.

An donaciones axi u támkunal ti púlik tamkuntaláb axi ti circuito u eyendhab abal ka jálbiyat juʼtáj u tʼajnal axéʼchik xi tamkuntaláb, jayej abal ka beletnáj i Atáj abal i Púlik Tamkuntaláb ani kʼeʼat jantʼoj. Talbél tam ka jálbiyat patal jawaʼ pakuwamej al an púlik tamkuntaláb, talchik i circuitos walám kin léʼnaʼ kin abaʼ ti sucursal an tumín axi jilkʼon abal an tʼojláb axi tin puwel an tsabál.