A Jehová in kʼanidhál an atiklábchik axi in tsápnanchal ka xeʼtsin tʼokat

Yan i tatalábchik in exóbchal in tsakámil kin tʼakaʼchik in kʼubak, kin wejaʼ in kʼimaʼ, kin pedhoy ani kin pénaʼ an amul. In léʼchik abal in tsakámil kin exóbnaʼ ka xeʼtsin tʼokat. Pero a Jehová játs axi más in léʼ abal wawáʼ ku kʼwajiy tʼokat, kom jajáʼ pél jún i Dios tʼokat (Éx 30:18-20; Dt 23:14; 2Co 7:1). Tam i kwaʼal tʼokat i iniktal ani jawaʼ i kwaʼal ti kʼimaʼ, i puwénchal a Jehová (1Pe 1:14-16). ¿Kʼwajat tʼokat i kʼimaʼ? Waʼats i atikláb axi in petʼnál i amul ban bel ani ban parques, pero jitaʼchik i kʼakʼnál a Jehová i tsápnanchal abal yab ki tʼajaʼ antsanáʼ (Sl 115:16; Ap 11:18). Jún i tʼiplab, jawaʼ i tʼajál kʼal in dhuʼbal an dulces, an latas de refresco o an chicle, in tejwamedhál jantʼoj i tsálpayal tin kwéntaj an tʼokattaláb. Kʼal «patal jantʼoj ki tʼajaʼ i léʼ ki tejwamédhaʼ abal pél tu alwaʼ tʼojnal kʼal a Dios» (2Co 6:3, 4).

TALBÉL TA TSUʼÚMAL AN VIDEO A DIOS IN KʼANIDHÁL AN ATIKLÁBCHIK AXI TʼOKAT, KA TOKʼTSIY AXÉʼ XI KONOWIXTALÁBCHIK:

• ¿Jaleʼ yán i atikláb yab in kulbetnál kin tʼókedhaʼ jawaʼ in kwaʼal tin kʼimaʼ?

• ¿Jantʼiniʼ tu tólmiyal in abatnaxtal a Moisés ki exlaʼ in tsalapil a Jehová tin kwéntaj an tʼokataláb?

• ¿Jantʼiniʼ i ejtowal ki puwénchij a Jehová kʼal jawaʼ i tʼajál?