AJUMTALÁB 3
Ka tʼajaʼ i konowixtalábchik
Mateo 16:13-16
RESUMEN: Ka tʼajaʼ i konowixtalábchik abal jitaʼ ti otsʼówiyal kin kulbétnaʼ jawaʼ a olnál, ka tólminchij ka tsalpaxin ani ka tejwamédhaʼ an tsalapchik axi más exbadh.
JANTʼINIʼ KA TʼAJAʼ
Ka tʼajaʼ abal kin kulbétnaʼ jawaʼ a olnál. Ka tʼajaʼ i konowixtalábchik kʼal jantʼoj axi an atikláb kin léʼnaʼ kin exlaʼ ani kin tsalpay kʼal jún i tokʼtsixtaláb.
Ka tólminchij ka tsalpaxin. Ka tʼajaʼ i konowixtalábchik abal ka tólmiy ka tsalpaxin jitaʼ ti atsʼál ani kin exbay alwaʼ jawaʼ kʼwajat a ólchal.
Ka tejwamédhaʼ an tsalapchik axi más exbadh. Okʼxidh ka olnaʼ jún i tsalap axi exbadh, ka tʼajaʼ jún i konowixtaláb abal jitaʼ ti atsʼál kin léʼnaʼ kin exlaʼ tin kwéntaj nixéʼ. Ka tʼajaʼ i konowixtalábchik talbél ta wilkʼamal jún i tsalap axi exbadh, jayej a ejtowal ka tʼajaʼ okʼxidh ka talabedhaʼ an exobintaláb.