Da Bible tell dat humans ‘live ony short time an get mo plenny trouble inside den [dey] can handle.’ (Job 14:1) Dass da kine life God like fo us o wat? If not, wat he like den? Goin eva happen o wat? We go look wat da Bible tell.

1. Wat kine life Jehovah like fo us?

Jehovah like us fo live da bes life we can. Wen he wen make da firs humans, Adam an Eve, he wen put dem inside one beautiful paradise, da garden of Eden. “Den God tell um, ‘I give you guys da powa fo you do eryting I wen make you fo do. So, born plenny bebes, an fill up da world wit um, an take ova!’” (Da Start 1:28) Jehovah wanted dem fo have kids, fo make da whole earth one paradise, an fo take kea da animals. God wen like erybody fo have perfeck health an live good foeva.

Even if oua life no stay lidat right now,a dass still wat God like fo us. (Isaiah 46:10, 11) He still like da guys who lissen to him fo live good foeva wea eryting stay perfeck.—Read um Jesus Show 21:3, 4.

2. How we can live one happy life now?

We like know an worship Jehovah cuz dass how he wen make us. (Read um Matthew 5:3-6.) He like us fo stay his good frenz, “fo live da way he tell [us] guys fo live, fo get love an aloha fo him . . . [an] fo go all out fo work fo him.” (Rules Secon Time 10:12; Songs Fo God 25:14) Wen we do dat, we can stay good inside even if we get pilikia. Wen we worship Jehovah, we feel oua life stay worth it cuz get someting fo live fo.

3. Jehovah like humans fo have one cherreh life

Play um da VIDEO, an den talk story about da question afta.

VIDEO: How Come God Wen Make Da Earth?—Part Of Um (1:41)

• How come God wen work so hard fo make da earth awesome?

Read um Da Teacha 3:11, an den talk story about dis question:

• Wat you learn about wat Jehovah like fo us?

4. Wat Jehovah like fo us neva change

Read um Songs Fo God 37:11, 29 an Isaiah 55:11, an den talk story about dis question:

• How us know dat wat Jehovah like fo us neva change?

5. Wen we worship Jehovah, dat make oua life worth it

VIDEO: I Wen Learn Wat We Live Fo (5:03)

• How was good fo Terumi fo learn how come we stay hea?

Read um Da Teacha 12:13, an den talk story about dis question:

• Cuz Jehovah wen do plenny good tings fo us, wat us gotta do fo him?

WAT WE WEN TALK ABOUT

Jehovah like us fo live good foeva wea eryting stay perfeck hea on top da earth. Wen we go all out fo worship him, worth it fo live oua life—even now.

Wat You Wen Learn

• How Jehovah wen like Adam an Eve fo live?

• How we know wat Jehovah like fo us neva change?

• How yoa life can be worth it?

LEARN SOME MOA

Try look how come we know da garden of Eden was one real place.

“The Garden of Eden—Myth or Fact?” (The Watchtower, January 1, 2011)

Try learn how come we know fo shua dat da earth goin be hea foeva.

“Will the Earth Be Destroyed?” (Web article)

Try look wat da Bible tell about why we stay hea.

“What Is the Meaning of Life?” (Web article)

Dis guy thought he had eryting but he neva. Try look how he wen find wat was missing in his life.

Now I Have a Life of Purpose (3:55)

2. Who goin be leadas wit Jesus?

Jesus no lead by himself. Guys “from ery ohana, an language, an peopo, an country . . . goin lead all da peopo inside da world.” (Jesus Show 5:9, 10) Since Jesus was on top da earth, uku million peopo wen follow him. All of dem goin be leadas wit him? No. Ony 144,000 of dem goin go heaven an be leadas wit Jesus. (Read um Jesus Show 14:1-4.) All da odda peopo dat follow Jesus goin live unda God’s Govament on top da earth.—Songs Fo God 37:29.

God’s Govament stay ruling awready. Pretty soon, goin make big kine changes on top da earth. We go look at some of da good kine tings dat we no can wait fo wen God’s Govament stay in charge on top da earth.

1. How God’s Govament goin make eryting fair an pono on top da earth?

Jesus, da King of God’s Govament, goin wipe out da peopo an da govaments dat do bad kine stuff at da war dey call Armageddon. (Jesus Show 16:14, 16) Dat time, wat da Bible promise goin full on come true: “Ony litto bit moa, an no goin get da peopo dat do bad kine stuff.” (Songs Fo God 37:10) Jesus goin use God’s Govament fo make shua dat erywea an erythin on top da earth goin be fair an pono.—Read um Isaiah 11:4.

2. How life goin be on top da earth wen eryting stay da way God like?

Wen God’s Govament stay in charge, “da peopo dat do da right ting, dey goin get da land an dey goin stay live dea foeva.” (Songs Fo God 37:29) Try picha living in one world wea erybody goin do wass right an erybody goin love Jehovah an each odda! Nobody goin get sick, an erybody goin live foeva.

3. Wat God’s Govament goin do afta da peopo who do bad kine stuff get wipe out?

Afta da peopo who do bad kine stuff get wipe out, Jesus goin rule as King fo 1,000 years. Dat time, him an da 144,000 guys who goin rule wit him goin help humans on top da earth fo come perfeck. Wen da 1,000 years pau, da whole earth goin be one beautiful paradise, an all da peopo goin be happy cuz dey lissen da rules from Jehovah. Den, Jesus goin turn da Govament back ova to his Faddah, Jehovah. Moa den eva, erybody goin show dat dey get “plenny respeck fo [Jehovah’s] name.” (Matthew 6:9, 10) Dat time erybody goin know fo shua dat Jehovah is one good Rula who kea about erybody. Den Jehovah goin wipe out Satan, da demons, an anybody else who choose fo go agains His rule. (Jesus Show 20:7-10) God’s Govament goin make eryting perfeck an dat goin las foeva.

DIG MOA DEEP

4. God’s Govament goin wipe out human govaments

“Peopo make any kine to [peopo] an make [dem] suffa an work real hard.” (Da Rules Secon Time 26:6) Jehovah goin use his Govament fo make all dat come pau.

Read um Daniel 2:44 an 2 Fo Da Tessalonika Peopo 1:6-8, an den talk story about dese questions:

• Wat Jehovah an his Boy, Jesus, goin do to human govaments an da guys dat back dem up?

• How wat you wen learn about Jehovah an Jesus make you shua dat wat dey goin do goin be fair an pono?

5. Jesus is da bestes King

Az da King of God’s Govament, Jesus goin help peopo on top da earth in plenny ways. Play um da VIDEO fo see how Jesus wen show dat he like help peopo an dat God wen give him da mana fo do um.

VIDEO: Jesus Wen Show Wat God’s Govament Goin Do (1:13)

Wen he was on top da earth, Jesus wen give one sampo of wat God’s Govament was goin do. Which one of da blessins ova hea you no can wait fo? Read um da scripchas dat tell about da blessins.

6. God’s Govament goin make good kine stuff happen in da future

VIDEO: Good Kine Stuff In Da Future Unda God’s Govament (4:38)

Read um Songs Fo God 145:16, an den talk story about dis question:

• How dat make you feel fo know dat Jehovah goin “give stuff to eryting dat stay alive fo dem no need notting no moa”?

WAT WE WEN TALK ABOUT

God’s Govament goin make da whole earth one paradise wea erybody goin be good. Dey goin worship Jehovah foeva.

Wat You Wen Learn

• How God’s Govament goin show plenny respeck fo Jehovah’s name an show how good an spesho it stay?

• How we know God’s Govament goin make da Bible promises come true?

• Of all da good kine tings God’s Govament goin do, which one you no can wait fo?

LEARN SOME MOA

Armageddon, wat is dat?

“What Is the Battle of Armageddon?” (Web article)

Go look wat goin happen during da time Jesus wen call “dat time erybody goin suffa to da max.”—Matthew 24:21.

“What Is the Great Tribulation?” (Web article)

Go look how ohanas can tink good about being togedda in Paradise.

See Yourself in Paradise (1:50)

In da story “I Was Troubled by Many Questions,” try learn how one guy who wen fight agains da govament wen find da ansas he was lookin fo.

“The Bible Changes Lifes” (The Watchtower, January 1, 2012)