2. Wat good tings Jehovah give to da guys who get baptize?

Wen you get baptize, you come part of Jehovah’s ohana. You goin feel his love in plenny ways an you goin come even moa close to him. (Read um Malakai 3:16-18.) Not ony you goin have Jehovah az yoa Faddah, you goin have one spiritual ohana of braddahs an sistahs all ova da world who love him an love you. (Read um Mark 10:29, 30.) But get stuffs you gotta do befoa you get baptize. You gotta learn about Jehovah, love him, an trus his Boy. Den you gotta give yoa life to Jehovah in prayer. If you do all dese tings an get baptize, you goin be on da road fo live good foeva. Da Bible tell: “Wen you guys get baptize . . . God stay take you guys outa da bad kine stuff.”​—1 From Peter 3:21.

Jesus wen know maybe some guys in da ohana no like us serve Jehovah. Read um Matthew 10:34-36, an den talk story about da question afta:

• Wat can happen in da ohana wen somebody choose fo serve Jehovah?

VIDEO: Jehovah Wen Hanai Us (5:13)

• If one fren o relative try stop you from serving Jehovah, wat you goin do?

Read um Songs Fo God 27:10 an Mark 10:29, 30. Afta reading each scripcha, talk story about dis question:

• If some of yoa ohana o frenz try stop you from serving Jehovah, how dis promise can help you?