-
Eryting We Celebrate Make God Happy O Wat?You Can Live Good Foeva!—Learn Da Bible By Talking Story
-
-
Read um Fo Da Efesus Peopo 5:10, an den talk story about dese questions:
Wat kine tings we gotta make shua of wen we choose if we goin celebrate one holiday o not?
Wat kine holidays peopo celebrate wea you live?
You tink dose holidays make Jehovah happy o wat?
You eva wen wonda wat God tink about birthday parties? Da ony two guys da Bible tell wen celebrate dea birthday neva worship Jehovah. Read um Da Start 40:20-22 an Matthew 14:6-10. Den talk story about dese questions:
Wat is same same in bot of dese birthday parties?
From wat wen happen in da Bible, how you tink Jehovah feel about birthdays?
Still yet, maybe you stay tinking, ‘Jehovah really kea if I go one birthday party o celebrate someting dat no stay in da Bible?’ Read um Outa Egypt 32:1-8. Den, play um da VIDEO an den talk story about da questions afta.
Why we gotta make shua we know wat Jehovah tell is ok?
How we do dat?
How fo know if Jehovah no like someting we celebrate
Come from stuffs dat no stay in da Bible o wat? Fo find out, go learn how wen start.
Give too much respeck to humans, huis, o stuff dat rep one nation o wat? We respeck Jehovah moa den anyting an we trus dat he goin fix all da pilikia in da world.
Da stuff you do fo celebrate um go agains da Bible o wat? Gotta stay clean in eryting we do.
-
-
Make Jehovah Happy Wit Wat You Do Fo FunYou Can Live Good Foeva!—Learn Da Bible By Talking Story
-
-
LESSON 53
Make Jehovah Happy Wit Wat You Do Fo Fun
Jehovah, he one God dat stay happy. (1 Fo Timoty 1:11) He like us be happy an fo have good fun. He like wen us make time fo no work an jus take um easy. In dis lesson, we goin see how we can use oua time fo cruz in ways dass good fun, dat make us feel good inside, an dat make Jehovah feel happy too.
1. Wat we gotta rememba wen choosing wat we do fo fun?
Wat you do wen you stay cruzing? Some peopo like fo stay at home—read one book, lissen music, watch one movie, o cruz um da Internet. Oddas like being outside wit dea frenz—go on one hike, swim, o play one game. Wateva we do fo fun, we gotta make shua dat it make “Da One In Charge stay good inside.” (Fo Da Efesus Peopo 5:10) Az supa importan we undastan dis, cuz plenny tings peopo do fo fun Jehovah hate, like violent kine stuff, sex kine stuff, o spirit kine stuffs. (Read um Songs Fo God 11:5.) Wat goin help us fo be akamai wen we choose wat fo do fo fun?
If we pick frenz who love Jehovah, dey can help us fo do good an pick good tings fo do fo fun. Jalike we wen learn already, “hang out wit da smart kine guys, you goin come smart jalike dem.” But, if we stay hanging out wit peopo who no do wat God like, we “goin . . . suffa.”—Smart Guys 13:20.
2. How come is importan fo watch how much time we use fo have fun?
Even if get notting wrong wit wat we do fo fun, we gotta watch out we no spend too much time doing um. Bumbye, we no goin get time fo do da tings dat stay importan. Da Bible tell us: “Erytime you guys get chance fo do good kine stuff, do um.”—Read um Fo Da Efesus Peopo 5:15, 16.
DIG MOA DEEP
Learn how fo make good kine choices about wat you do fo fun.
3. Stay away from da bad kine stuff
How come we gotta kea about wat we choose fo do fo fun? Play um da VIDEO, an den talk story about da questions afta.
How da kine games long time ago in Rome same same jalike some of da tings peopo do fo fun today?
Inside da video, wat Danny wen learn about da tings he do fo fun?
Read um Fo Da Rome Peopo 12:9, an den talk story about dis question:
How dis verse goin affeck wat you do fo fun?
Wat some tings Jehovah hate? Read um Smart Guys 6:16, 17 an Fo Da Galatia Peopo 5:19-21. Afta reading each scripcha, talk story about dis question:
Wat kine tings from da scripchas you see peopo doing fo fun today?
How fo be akamai wen choosing wat fo do fo fun
Try tink:
Wat? Get anyting Jehovah hate inside o wat?
Wen? Stay getting in da way of tings we suppose to do o wat?
Who? I go be cruzing wit peopo who no love Jehovah o wat?
Az moa safe fo stay az far away az can from tings dat can hurt us. So if we tink get someting we do fo fun dat no stay good fo us, we gotta stay az far away from um az can
4. Be smart wit how you use yoa time
Play um da VIDEO, an den talk story about da question afta.
Da braddah in da video no was watching notting bad, but wat wen come his problem?
Read um Fo Da Philippi Peopo 1:10, an den talk story about dis question:
How dis scripcha goin help us figga how much time we spend on fun stuff?
5. Choose fun stuff dat stay good fo you
Even if get some tings Jehovah no like, still get plenny fun stuffs fo us do. Read um Da Teacha 8:15 an Fo Da Philippi Peopo 4:8, an den talk story about dis question:
Wat good tings you like do fo fun?
You can find fun stuff fo do dat stay good fo you
WAT SOME PEOPO TELL: “Az ok if wat I do fo fun get violence, sex kine stuff, o spirits, cuz I not doing um in real life.”
Wat you goin tell um?
WAT WE WEN TALK ABOUT
Jehovah like us pick good kine tings fo do fo fun.
Wat You Wen Learn
Wat kine tings peopo do fo fun dat Christians gotta stay away from?
How come we gotta watch out how much time we spend on fun stuffs?
How come you like make Jehovah happy wit da tings you do fo fun?
LEARN SOME MOA
Try learn who get da kuleana fo pick wat you do fo fun.
“Do Jehovah’s Witnesses Ban Certain Movies, Books, or Songs?” (Web article)
Try learn how you can be akamai wit wat you choose fo do fo fun.
“Is Your Recreation Beneficial?” (The Watchtower, October 15, 2011)
Try look how come one man wen change wat he wen do fo fun in da story, “I Even Overcame My Prejudice”.
“The Bible Changes Lifes” (The Watchtower, February 1, 2010)
Get spirit kine stuffs peopo watch fo fun. Try look how one maddah wen choose fo do da akamai ting.
-