-
How Can Your Family Be Happy?—Part 1You Can Live Good Foeva!—Learn Da Bible By Talking Story
-
-
Get no such ting az one perfeck marriage. So den couples gotta work togedda fo make um thru dea pilikia. Play um da VIDEO, an den talk story about da questions afta.
Inside da video, wat wen show dat da husban an wife no was close any moa?
Wat dey wen do fo make dea marriage moa strong?
Read um 1 Fo Da Corint Peopo 10:24 an Fo Da Colosse Peopo 3:13. Afta you read each scripcha, talk story about dis question:
How doing wat dis scripcha tell can make one marriage moa strong?
Da Bible tell dat we gotta show respeck to each odda an treat da odda person in one nice kine way. Read um Fo Da Rome Peopo 12:10, an den talk story about dese questions:
Husbans an wifes gotta wait fo dea odda half fo show dem respeck firs o wat? How come?
-
-
Keep Sticking Togedda In Da HuiYou Can Live Good Foeva!—Learn Da Bible By Talking Story
-
-
3. Wat you goin do if you get beef wit anodda Christian?
We stick togedda, but we not perfeck. Sometimes, we let each odda down, even hurt each odda. So da Bible tell us fo “let um go,” an tell too: “Da One In Charge wen let you guys go, fo you make jalike him an let dem go too.” (Read um Fo Da Colosse Peopo 3:13.) We wen hurt Jehovah plenny times, an he wen let us go. So he like us do da same fo oua braddahs. If you find out dat you wen hurt somebody, go be da firs one fo take kea tings.—Read um Matthew 5:23, 24.b
-
-
Keep Sticking Togedda In Da HuiYou Can Live Good Foeva!—Learn Da Bible By Talking Story
-
-
5. Let um go an make peace
Even tho Jehovah no need fo anybody let him go, he always stay ready fo let us go. Read um Songs Fo God 86:5, an den talk story about dese questions:
Wat we learn from dis verse about how Jehovah stay ready fo let us go?
Why you stay tankful he ready fo let you go?
Wat kine tings might come up dat can make um hard fo us get along wit each odda?
How we can copy Jehovah an stick togedda wit oua braddahs an sistahs? Read um Smart Guys 19:11, an den talk story about dis question:
If somebody make you supa irraz, o get you all nutz, wat you can do fo make tings betta?
Wat you should do if you da one dat make peopo come all nutz o irraz? Play um da VIDEO, an den talk story about da question afta.
Inside da video, wat da sistah wen do fo make peace?
-