3. How Witnesses Fo Jehovah show da same kine love an aloha jalike Jesus?

Jesus wen love his guys so much, dey was jalike his ohana. (Read um Mark 3:35.) Same same, Witnesses Fo Jehovah jalike one family dat stay supa tight wit each odda, no matta wea dey stay all ova da world. Dass how come we call each odda braddah an sistah. (Fo Filemon 1, 2) We also lissen wat da Bible tell: “Get love an aloha fo yoa braddahs an sistahs dat trus Christ.” (1 From Peter 2:17) Witnesses Fo Jehovah show dis kine love an aloha plenny diffren kine ways. One of da ways we do um is fo help out oua braddahs an sistahs all ova da world wen dey need um.

6. Wen we get baptize, we come part of Jehovah’s ohana

Wen we get baptize, we come part of one tight ohana who stay all ova da world. Even if we no come from da same place an we wen grow up diffren from each odda, all us believe da same ting an live da way da Bible tell us fo live. Read um Songs Fo God 25:14 an 1 From Peter 2:17, an den talk story about dis question:

• Wen somebody get baptize, how dat change da way dey stay tight wit Jehovah an wit oddas who worship Him?

Wen we stay wit oua braddahs an sistahs, we feel jalike King David: “Good, you know, wen all da braddah guys stick togedda jalike dey one. Dass goin make erybody feel real good inside.” (Songs Fo God 133:1) Fo us guys stick togedda, no happen by itself. All us get one part in keeping um.

1. Wat God’s peopo get dat stay unreal?

If you go one meeting wit da local hui in one odda place, maybe you no undastan da language, but still yet you feel like you stay home. How come? Cuz no matta wea we stay, we all using da same tings fo learn da Bible, an we work hard fo show love an aloha to each odda. No matta wea we live, we all “call out to [Jehovah an] work togedda fo [him].”​—Zefaniah 3:9.

2. Wat you can do fo help erybody stick togedda?

“Now show even mo plenny love an aloha fo each odda cuz you get one good heart.” (1 From Peter 1:22) How you can do dat? Instead of tinking about all da stuff dat not good about odda peopo, try look at da good stuff about dem. No ony hang out wit guys dat jalike you, but get tight wit yoa braddahs and sistahs dat diffren den you. Anodda ting we like do is work hard fo get rid of any bad kine feelings, o prejudice, fo some peopo.​—Read um 1 From Peter 2:17.a

3. Wat you goin do if you get beef wit anodda Christian?

We stick togedda, but we not perfeck. Sometimes, we let each odda down, even hurt each odda. So da Bible tell us fo “let um go,” an tell too: “Da One In Charge wen let you guys go, fo you make jalike him an let dem go too.” (Read um Fo Da Colosse Peopo 3:13.) We wen hurt Jehovah plenny times, an he wen let us go. So he like us do da same fo oua braddahs. If you find out dat you wen hurt somebody, go be da firs one fo take kea tings.​—Read um Matthew 5:23, 24.b

DIG MOA DEEP

4. Get ova prejudice

We like love all oua braddahs. But sometimes is not easy fo be good wit somebody who not da same az us. Wat can help us? Read um Jesus Guys 10:34, 35, an den talk story about dese questions:

• Jehovah take in all kine peopo fo be his Witnesses. How dat gotta make you feel about da peopo dat not da same az you?

• Wat kine prejudice get wea you live dat you like stay away from?

Read um 2 Fo Da Corint Peopo 6:11-13, an den talk story about dis question:

• How you can learn fo love all yoa braddahs an sistahs moa an moa?

5. Let um go an make peace

Even tho Jehovah no need fo anybody let him go, he always stay ready fo let us go. Read um Songs Fo God 86:5, an den talk story about dese questions:

• Wat we learn from dis verse about how Jehovah stay ready fo let us go?

• Why you stay tankful he ready fo let you go?

• Wat kine tings might come up dat can make um hard fo us get along wit each odda?

How we can copy Jehovah an stick togedda wit oua braddahs an sistahs? Read um Smart Guys 19:11, an den talk story about dis question:

• If somebody make you supa irraz, o get you all nutz, wat you can do fo make tings betta?

Wat you should do if you da one dat make peopo come all nutz o irraz? Play um da VIDEO, an den talk story about da question afta.

VIDEO: Making Tings Pono Goin Bring Blessings (6:01)

• Inside da video, wat da sistah wen do fo make peace?

6. Look fo da good kine tings in yoa braddahs an sistahs

Wen you come good frenz wit yoa braddahs an sistahs, you can learn da good kine tings about dem, an maybe da tings dey gotta work on. Wat we can do fo ony see da good in dem? Play um da VIDEO, an den talk story about da question afta.

VIDEO: Come Moa Beautiful Inside! (5:10)

• Wat goin help you fo see da good kine tings in yoa braddahs an sistahs?

Jehovah look at da good kine tings about us. Read um 2 Records 16:9a, an den talk story about dis question:

• How you feel dat Jehovah ony look at da good kine tings about you?

WAT WE WEN TALK ABOUT

You can help erybody in da local hui fo stick togedda by showing love to yoa braddahs an sistahs an letting dem go.

Wat You Wen Learn

• How you can get ova prejudice?

• Wat you goin do if you get beef wit one odda Christian?

• How come you like copy Jehovah wen you let odda peopo go?

LEARN SOME MOA

Try learn how one of da word pichas Jesus wen use can help us fo no judge oddas.

Remove the Rafter (6:56)

We gotta say sorry if we feel we neva do notting wrong o wat?

“Apologizing​—A Key to Making Peace” (The Watchtower, November 1, 2002)

Check out how some guys had learn fo treat erybody da same

Do Not Judge by Outward Appearance (5:06)

Try learn how you can fix one problem you get wit somebody befoa it make trouble in da local hui.

“Settle Differences in a Spirit of Love” (The Watchtower, May 2016)