-
Wat Jehovah Stay Like?You Can Live Good Foeva!—Learn Da Bible By Talking Story
-
-
3. How Jehovah show he love us?
Da ting dat Jehovah show da mos is love. Fo shua “God erytime get love an aloha fo erybody—dass how he stay.” (1 From John 4:8) Jehovah show us his love thru da Bible, an thru da tings he wen make. (Read um Jesus Guys 14:17.) Try tink how he wen make us. He wen make us so we can see pretty kine colors, hear good kine music, an taste onolicious kine grindz. Garans he like us fo live good.
-
-
How False Religion Bulai About GodYou Can Live Good Foeva!—Learn Da Bible By Talking Story
-
-
2. How false religion bulai about God by da stuff dey do?
Da way false religion treat peopo an da way Jehovah treat peopo, not da same. Da Bible tell dat all da bad kine stuff false religion wen do az “real plenny, jalike dey stack up to da sky.” (Jesus Show 18:5) Fo long time awready, religions wen make niele in wat da govaments do, back um up in wars, tell az ok fo kill choke peopo, an even kill peopo demselfs. Some religious leada guys, dey greedy buggahs. Dey like be rich so dey tell dea guys fo give dem kala. Da kine stuffs dat dey do show dat dey no even know God, so how dey get da right fo rep him?—Read um 1 From John 4:8.
-