References fo Live, Preach An Teach Meeting Workbook
© 2025 Watch Tower Bible and Tract Society of Pennsylvania
JANUARY 5-11
TREASURES FROM DA BIBLE ISAIAH 17-20
“Dis Wat Happen To “Da Guys Dat Like . . . Take Eryting”
w18.06 7 ¶16-mwbr
“I Not Da Kine King From Dis World”
16 An dese changes stay importan! Da Bible tell dat peopo today stay jus like one rough ocean, dat no calm down. (Isa 17:12; 57:20, 21; Jesus Show 13:1) Even tho political kine problems work peopo up, split um up, an make um hurt each odda, we still get peace an stick togedda. An wen Jehovah look at dis mess up world, must make him happy fo see dat his peopo stick togedda no matta wat.—Read um Zefaniah 3:17.
w16.04 28 ¶4-mwbr
No Take Sides In One World Dat All Split Up
4 Wea we live, might look like da govament not giving us hahd time. Still yet, da closa we get to da end, we can expeck trouble cuz we no take sides. Cuz plenny peopo “no goin give chance to nobody” an “no goin tink befo dey do any kine,” dey goin come even moa split up. (2 Tim 3:3, 4) In some countries, oua braddahs neva expeck hahd times, but wen gettum wen tings had change fas wit da govament. We gotta kno fo shua now dat we no goin take sides, cuz if we wait fo wen tings get hahd we might give in. How we can make shua we stay on Jehovah’s side wen da world stay so split up? We go check out four tings dat goin help us do dis.
ip-1 198 ¶20-mwbr
Jehovah Tell He Goin Go Agains Da Nations
20 Wat wen happen? Isaiah tell: “Bummahs! Sun down time we all sked. But befo da morning time, Dis wat happen: Da guys dat like steal oua stuffs an take eryting, Dey no stay no moa.” (Isaiah 17:14) Wen guys treat Jehovah’s peopo bad today, dass jalike Isaiah wen tell. Cuz tru Christians not paht of da big churches today, guys talk bad bout dem an go agains dem. But God’s peopo kno fo shua dat da “morning” stay coming fas wen dea pilikia goin pau.—2 Fo Da Tessalonika Peopo 1:6-9; 1 Peter 5:6-11.
Good Kine Tings
w06 12/1 11 ¶1-mwbr
Highlights From Da Book Of Isaiah—I
20:2-5—Isaiah really wen walk aroun naked fo three years? Could be dat Isaiah wen take off da top layer of clothes he wen wea an had ony litto bit clothes on.—1 Samuel 19:24.
JANUARY 12-18
TREASURES FROM DA BIBLE ISAIAH 21-23
Wat We Learn From Wat Wen Happen To Shebna
w18.03 25 ¶7-9-mwbr
Getting Correckted Show Dat God Love Us
7 Fo show how getting correckted stay importan, we go look at two guys dat Jehovah wen correck, Shebna, who wen live King Hezekiah time, an Graham, one braddah oua time. Cuz Shebna wuz da guy “dat take kea all da palace kine biznis”, probly fo Hezekiah, he had plenny powa. (Isa 22:15) But bummahs, he wen come big head, an wanted fo make himself look good. He even wen make one fancy kine tomb fo him, an wen ride in awesome war wagons!—Isa 22:16-18.
8 Cuz Shebna wanted fo make himself look good, God wen tell him “I goin throw you outa yoa palace job”, an wen give da job to Eliakim. (Isa 22:19-21) Dis wen happen wen Sennakerib da Assyria king was planning fo attack Jerusalem. Layta on, dat king wen sen top govament guys to Jerusalem, wit one big army, fo skea da Jews an fo try make Hezekiah give up. (2 Ki 18:17-25) Eliakim wen go talk to da govament guys, but he no wuz by himself. He wuz wit two odda guys, an one wuz Shebna, now working az one secretary. Dis show dat Shebna neva hold one grudge but wen do his job even if no wuz az importan. So wat we learn from all dis? We go talk about three tings.
9 Numba one, Shebna wen lose da kuleana he had. Dis show wat da Bible tell stay tru,“You ack big head, den, you goin come wipe out. You tink high makamaka kine, den, you goin fall down.” (Smart Guys 16:18) If you get one spesho kuleana in da hui, you goin work hahd fo stay humbo? You goin give Jehovah da credit fo da gifs dat you get or fo da tings you wen do? (1 Cor 4:7) Da aposal Paul wen write, “’No tink you mo importan den who you fo real kine! Mo betta you figga who you fo real kine.”—Rome 12:3.
w18.03 25 ¶10-mwbr
Getting Correckted Show Dat God Love Us
10 Numba two, cuz Jehovah wen correck Shebna, dat show dat He neva tink dat he no moa chance awready. (Smart Guys 3:11, 12) Guys who wen lose one kuleana in da hui can learn someting good from dis! Instead of coming all mad an holding one grudge, dey do dea bes fo serve Jehovah in wat dey can do. Dey kno dat cuz Jehovah love dem, he wen correck dem. No forget, if we humbo, oua Faddah goin give us chance. (Read um 1 Peter 5:6, 7.) Getting correckted iz how God shape us into one betta person, so we go be da kine person dass easy fo shape.
w18.03 26 ¶11-mwbr
Getting Correckted Show Dat God Love Us
11 Numba three, da way Jehovah wen make to Shebna teach guys wit da kuleana fo correck oddas how fo do um. Dis can be parents an ovaseahs in da hui. Wat we learn? Wen Jehovah correck, dat show he no like wen peopo do bad tings, but it show us too dat he kea about da guy who wen do da bad ting. If you one parent or one ovaseah an gotta correck somebody, you goin copy Jehovah an still see da good in dem, even tho you hate da bad ting dey wen do?—Jude 22, 23.
Good Kine Tings
w06 12/1 11 ¶2-mwbr
Highlights From Da Book Of Isaiah—I
21:1—How come da Bible call Babylon “Da Boonies By Da Sea” Babylon stay called dis even tho no stay close to da sea. Dis cuz ery year da Eufrates an Tigris rivers fill up an flood da area, an make one “sea.”
JANUARY 19-25
TREASURES FROM DA BIBLE ISAIAH 24-27
“Dis Oua God!”
cl 15 ¶21-mwbr
“Dis Oua God!”
21 You eva wen see one small kid point to his faddah an he proud fo tell his frenz, “Dass my daddy”? God’s peopo get plenny reasons fo feel da same way about Jehovah. Da Bible tell goin get one time wen peopo wit fait goin yell, “Eh! Dis, oua God, fo shua!” (Isaiah 25:8, 9) Da moa you get fo kno wat Jehovah stay like, da moa you goin feel you get da bes Faddah eva.
Wat We Learn From Jesus Miracle Of Da Bread
14 Wen Jesus had tell us fo pray fo “oua food fo today,” he wen teach us fo pray fo God do wat he like “on da earth . . . jalike in heaven.” (Mat 6:9-11, NWT) Wat you tink da world goin look like wen dat happen? Da Bible tell one ting God like do fo da eart iz give good food. Isaiah 25:6-8 tell dat erybody goin be happy fo eat plenny ono kine food unda God’s Govament. Songs 72:16 tell dat in da future goin have “plenny food fo harves . . . all da way to da mountain tops!” You excited fo make da food you love fo eat or someting you neva wen make befoa? An maybe you excited fo plant yoa own fruits an eat um. (Isa 65:21, 22) Erybody on da eart goin be happy wit all dese awesome tings.
Da Blessings We Get Cuz Jehovah Love Us
11 Try picha wat yoa life goin be like in Paradise. You no need worry about getting sick or dying. (Isa 25:8; 33:24) Jehovah goin give you all da good tings you like. Wat kine tings you like learn about? You like learn moa about da animals? You like learn how fo play one instrument? Or draw? In Paradise, we goin need farmas, an peopo dat kno how fo design an build houses. An we goin need peopo fo grow an make food, make tools, an plant gardens, an take kea of um. (Isa 35:1; 65:21) Wen you live foeva, you goin have plenny time fo learn how fo do all dis an moa.
12 We goin be so happy fo see da guys who wen mahke come back to life! (Jesus Guys 24:15) Try tink how much fun you goin have learning moa about all da tings Jehovah wen make. (Songs 104:24; Isa 11:9) An da bes part iz you neva goin sin again, so you can worship Jehovah an you neva goin need fo feel sorry again. You would give up life in Paradise jus fo live one life dat goin make you happy ony now? (Heb 11:25) No ways! Da unreal life we goin have iz moa betta den anyting we goin get in dis world right now. Rememba, da Paradise eart iz not always someting we goin be waiting fo. Pretty soon we goin live in um eryday. Da ony way we could get all dis iz cuz Jehovah wen love us so much dat he wen give up his Boy!
Good Kine Tings
Look At Jehovah Fo Help You Feel Betta
15 Jehovah also wen help his peopo make ready fo da time dey wuz goin get set free. Earlia, in da book of Isaiah, God wen tell his peopo, “Go inside yoa room an shut da door. Hide inside dea fo litto bit till Da One In Charge pau come huhu.” (Isa 26:20) Da Jews probly wen do dis wen King Cyrus wen attack Babylon. One old Greek history guy had tell wen Cyrus wen go inside Babylon, he “wen tell his [army guys] fo kill anybody who no wuz inside dea house.” All da peopo living in Babylon must have been sked! But da Jew guys living inside Babylon probly neva mahke cuz dey wen lissen wat Jehovah had tell dem.
JANUARY 26–FEBRUARY 1
TREASURES FROM DA BIBLE ISAIAH 28-29
No Ony Show Jehovah Respeck Wit Yoa Mout
ip-1 299 ¶23-mwbr
Isaiah Tell Da Time Wen Jehovah “Make Da Peopo Drop Dea Jaws”
23 Da religious leadas in Judah wen tell dey wuz teaching da right ting, but really, dey wen bag from Jehovah. Dey back up da bad tings dey do, by teaching dea own ideas about wass right an wrong, an dat stay leading da peopo away from Jehovah. Cuz da religious leadas no stay doin dea job, Jehovah goin call um out wen he do one “awesome ting” dat “make da peopo drop dea jaws.” He tell, “Dis peopo tell dey mines, But dey ony mout! Dey talk jalike dey get respeck fo me. But ony mout dem! Inside dey stay far from me. Wen dey like show love an respeck fo me, Dey ony copy da words dey wen learn From da rules odda peopo tell um fo do. Az why I goin do dis awesome ting One mo time fo dis peopo, All plenny kine stuff, ova an ova. All da stuff dat da guys tell Dat know wat fo do erytime, Goin all come wipe out. An all da stuff dat da guys tell Dat undastan stuff, Nobody goin know wat dey know, bumbye.” (Isaiah 29:13, 14) No matta how smart Judah tink dey are, all dat goin disappea wen Jehovah use da Babylon world powa fo hemo dea pilau worship. Da same ting wen happen again in da firs century wen da Jew leadas who had tink dey wuz so smart, wen lead da peopo da wrong way. Same ting goin happen again fo fake Christians oua time.—Matthew 15:8, 9; Fo Da Rome Peopo 11:8.
w21.05 9 ¶7-mwbr
Notting Goin Jam Up Da Guys Dat Love Fo Do Wass Right
7 Jesus no wuz sked fo call out da wrong tings peopo wen do fo worship God his time. One time Jesus wen tell how fake da Pharisees wuz, cuz dey wen kea moa bout how dey wash dea hands, den how dey take kea dea parents. (Mat 15:1-11) Jesus guys probly wuz shock from wat he wen tell. Dass why dey wen ask him, “you know, da Pharisee guys, dey huhu wit you, cuz dey hear wat you wen tell.” Jesus wen ansa, “Dey jalike plants dat my Faddah in da sky neva plant, an he goin pull out anybody dat try fo make lidat. Laytas wit dem awready! Dey jalike one blind guy stay go aroun, an show anodda blind guy wea fo go. Bumbye da two blind guys goin fall down inside one puka.” (Mat 15:12-14) Even if da religious leadas wen ack all huhu, Jesus neva hold back from telling da trut.
Stay Jehovah’s Guest Foeva!
8 Da guys who “tell da trut erytime cuz no mo notting” fo hide, no make like dey lissen God in front peopo, but den do bad kine stuff wen dey by demself. (Isa 29:13) Dey no do stuff jus fo ack. Somebody who ony ack might tink dat Jehovah’s rules, not da bes. (Jam 1:5-8) He might not lissen Jehovah wen come to tings he tink az pretty mynah. Den, if notting bad happen wen he no lissen, he might start fo do tings dass moa worse. Even tho he tink he serving God, Jehovah no going tink wat he do az ok. (Teacha 8:11) But fo us, we like be honest erytime.
Good Kine Tings
Tink Like God Wen Come To Alcohol
I drink alcohol ony fo show I strong, o tuff? In some cultures, drinking all da time an drinking plenny, az normal an ok. (1 Pet 4:3) But try look wat tell at 1 Fo Da Corint Peopo 16:13, “Eh! Watch out! Stay solid an trus God! No sked! Stay strong!” But alcohol can really help somebody fo stay strong, o fo be tuff? No. Alcohol can make um hard fo somebody tink good an make good kine choices. So drinking plenny alcohol no prove dat somebody stay strong, but radda show dat dey weak. Isaiah 28:7 talk about somebody who drink too much stay jam up, so dey fall down an no can figga wats right.
FEBRUARY 2-8
TREASURES FROM DA BIBLE ISAIAH 30-32
Trus Dat Jehovah Goin Proteck You
w01 11/15 16 ¶7-mwbr
Jehovah Is Our Refuge
7 Cuz Jehovah iz da safe place fo us hide, we can feel good wen we read dese words, “He goin make shua notting go afta you jalike da muddah bird hide da small bird unda her wing. You can trus him! Dass why he stay jalike one shield o one wall fo proteck you.” (Songs Fo God 91:4) God proteck us, jalike one muddah bird proteck her bebes wit her wings. (Isaiah 31:5) Like bebe birds, we stay safe unda Jehovah’s wings cuz we wen choose fo take cova in his hui.—Rut 2:12; Songs Fo God 5:1, 11.
Jehovah Going Help You Wen You Get Hard Time
13 Wat we gotta do. We gotta try real hard fo no ony stay by ouaself. Wen we ony stay by ouself cuz we no like be aroun oddas, we might start fo tink ony about us an da problems dat we get. If we tink lidat, dat can affeck da choices we make. (Smart Guys 18:1) Yeah we all need time fo be by ouaself, speshly wen someting bad happen to us. But if we stay lidat long time, we might be telling Jehovah we no like his help. So wen someting bad happen to you, even if az hard, wen yoa ohana, frenz an da eldas like help you, take um. See dat Jehovah stay using dem fo help you.—Smart Guys 17:17; Isa 32:1, 2.
“How “He Goin Make You Guys Stan Up Mo Strong”?
19 How you can make yoa hope strong? If you get da hope fo live foeva on top da earth, go read wat da Bible tell about Paradise an tink hard about um. (Isa 25:8; 32:16-18) ink about wat going be like in da new world. Try picha yoaself dea. Who you see? Wat you hear? How you feel? Fo jump start yoa mind, go look at da pichas dat show da Paradise inside da Bible tools we get, o watch one music video like The New World to Come, Just Around the Corner, o Imagine the Time. If we keep da hope solid in oua mind, den oua problems going be “ony manini kine!” (2 Cor 4:17) Da hope Jehovah give you going help you fo hando wateva pilikia you get.
Good Kine Tings
We Can Be Happy Wen We Hang In Dea An Wait Fo Jehovah
Da Bible tell dat Jehovah “stay wait, cuz he stay ready fo do good tings fo you guys. He goin stan up fo show you guys pity an love. Cuz Da One In Charge, he da kine god dat judge da right way erytime. And all da peopo dat stay wait fo him, dey can stay good inside.” (Isa 30:18) Wen Isaiah wen write dis, he was talking to da Jews who was hard head. (Isa 30:1) Fo da Jew guys dat was faithful, dis wen help dem see dat tings was going come out ok bumbye. If we get faith, can be da same fo us too.
So we gotta hang in dea an wait cuz Jehovah stay waiting too. He awready wen pick da time fo wen dis world going come pau an he stay wait fo dat time fo come. (Mat 24:36) Dat time, we going know fo shua dat eryting da Devil tell agains Jehovah an da guys dat worship Him, is all bulais. He going hemo Satan an anybody who back him up, but He going “show [us] pity an love.”
FEBRUARY 9-15
TREASURES FROM DA BIBLE ISAIAH 33-35
Jehovah Goin Be “One Solid Foundation Fo You”
Jehovah Going Help You Wen You Get Hard Time
7 How come hard. Wen you go thru one hard time, da way we tink, feel, an ack might be diffren. Maybe yoa feelings jalike one boat dat stay get thrown aroun in ruff kine watta. Ana wen tell dass how she wen feel afta Luis had mahke. She tell, “Wen I started fo feel all alone, I would feel sorry fo myself. An den I would get mad cuz he no was dea.” Odda times, Ana would feel lonely an presha out cuz now she had fo take kea da tings dat Luis used to do real good. Had days she wen feel like she was out on da ocean in da middo of one storm. How Jehovah help us wen we feel like one boat dat stay sinking?
8 Wat Jehovah going do. Isaiah tell Jehovah jalike one solid foundation dat going make us moa stable. (Read um Isaiah 33:6.) Wen one boat stay in one storm can be dangerous cuz stay rocking back an forth. Fo keep um stable, one boat might have spesho fins on both sides dat stay unda da watta. Da fins make um so dat da boat no rock plenny an is moa safe an moa betta fo erybody on da boat. But going work even moa betta if da boat stay moving. Same ting, Jehovah going make us solid an stable if we get faith an keep working fo him wen we get hard time.
w21.02 29 ¶10-11-mwbr
How Fo Stay Happy Wen We Get Hahd Times
10 Wat goin help: Ask Jehovah fo da smarts. If we goin stay happy wen we get hahd times, we gotta pray to Jehovah an ask fo da smarts fo make good choices. (Read From James 1:5.) How we should ack if we tink Jehovah no ansa oua praya fas enuff? No stop praying to God. Jehovah no come all irraz wen we keep asking him fo da smarts an he not goin scold us. Oua faddah in heaven “give plenny” wen we pray fo da smarts fo help us no give up. (Songs 25:12, 13) He see wat we go tru, he feel fo us, an he really like help us. Fo shua, dass someting fo be happy about! But, how Jehovah give us da smarts?
11 Jehovah use da Bible fo give us da smarts. (Smart Guys 2:6) Fo get da smarts, we gotta study da Bible an use da tools da hui give us fo help us study. But we need fo do moa den jus learn stuff. We gotta use da smarts Jehovah give us. James wen write, “no ony lissen da tings God tell. You guys gotta do um!” (Jam 1:22) Wen we do wat God tell, we goin be da kine guy dat make peace , dass flexible, an feel pity fo oddas. (Jam 3:17) If we make lidat, we can stay happy even wen we get hahd times.
ip-1 352-355 ¶21-22-mwbr
“Nobody . . . Goin Tell I Stay Sick”
21 But wat Isaiah wen tell stay fo oua time too. Jehovah’s peopo today wen get heal in one spiritual kine way. Dey wen get cut loose from bulai teachings like da soul no mahke, da Trinity, an hellfiyah. Dey learn wat stay right an wrong so dat dey can make good choices an stay away from doin pilau tings. An cuz Jesus wen mahke fo dem, dey come pono wit God an da bad tings dey wen do befoa no bodda dem. (Fo Da Colosse Peopo 1:13, 14; 1 Peter 2:24; 1 John 4:10) Dis spiritual kine healing can be good fo dea healt too. If you stay away from pilau sex an you no use tobacco, dat can proteck you from getting one disease from sex an some kines of cancer.—1 Fo Da Corint Peopo 6:18; 2 Fo Da Corint Peopo 7:1.
22 But wat Isaiah 33:24 tell goin come tru in one even bigga way afta Armageddon, in paradise. Wen God’s govament rule, erybody goin get heal in one mayjah physical kine way too (Jesus Show 21:3, 4) Afta Satan’s world get wipe out, we goin see miracles all ova da eart, jus like da ones Jesus wen do. Da blind guys goin see, da deaf guys goin hea, an da guys who no can walk goin walk! (Isaiah 35:5, 6) Dis goin give erybody who live tru all dis da awesome chance fo make da eart one paradise.
Good Kine Tings
Keep Walking On “Da Road Dat Stay Good An Spesho”
8 Some peopo might tink: “Dass good fo know but wat dat mean fo us now?” Az jus like we stay on “Da Road Dat Stay Good An Spesho.” All us gotta stay on dat road cuz goin help us keep worshiping Jehovah now an wen he make eryting come all good. No matta we get pick fo go heaven o if we one of da odda sheep. (John 10:16) From 1919 C.E., uku pile a guys, wahines, an keikis wen bag from Babylon Da Great, all da fake religions in da world, an wen start fo walk on dat spesho road. You probably stay one of dem. Even if peopo wen start fo walk on da road about 100 years ago, oddas was making um ready long time befoa dat.
FEBRUARY 16-22
TREASURES FROM DA BIBLE ISAIAH 36-37
“No Sked Cuz A . . . Wat You Wen Hear”
it “Hezekiah” Num. 1 ¶14-mwbr
Hezekiah
Sennacherib Neva Win In Jerusalem. Jus like Hezekiah wen tink, Sennacherib wanted fo attack Jerusalem. Wen Sennacherib an his army wuz attacking Lakish, he wen sen paht of his army wit some military leadas fo tell Jerusalem dey betta give up. Da territory govna guy who wen talk fo dem, could talk Hebrew real good. Real loud an in front erybody he wen make fun of Hezekiah an Jehovah. He wen tell dat Jehovah no could save dem, jus like da odda gods no could save dea peopo from da Assyria king.—2 Ki 18:13-35; 2 Rec 32:9-15; Isa 36:2-20.
ip-1 387 ¶10-mwbr
One King Get Bless Fo His Fait
10 Da territory govna guy tell da Jew guys dat dea army wuz notting compare to Assyria. He wen make tantaran an tell, “So now, make one bet wit my boss, da Assyria king. I give you guys 2,000 horse if you get enuff guys fo ride on top um!” (Isaiah 36:8) You tink wen really matta if Judah had plenny or litto bit guys dat could ride horse? Fo Judah win, neva matta how strong dea army wuz. Smart Guys 21:31 tell, “You can make yoa horse ready fo da war, but Da One In Charge, Him da One can make you da winna.” Den da territory govna guy tell dat Jehovah stay backing up da Assyria army, not da Jews. An dass why He wen let dem come so far inside da Judah land.—Isaiah 36:9, 10.
ip-1 388 ¶13-14-mwbr
One King Get Bless Fo His Fait
13 Da territory govna guy still had sometin else fo say fo attack dem wit. He tell da Jews fo no believe Hezekiah if he tell dem, “[Jehovah] goin get us guys outa trouble.” He wen tell dat da Samaria gods no could stop da Assyria army from taking ova da ten tribes. An wat about da gods from da odda countries dey wen take ova? “Wat wen happen wit da gods fo Hamath, Arpad, an Sefarvaim?! You tink da Samaria gods wen help da Samaria peopo wen I wen take ova dem?! Dey no can.”—Isaiah 36:9, 10.
14 Cuz dis territory govna guy worship fake kine gods, no ways he undastan how diffren Samaria wuz from Jerusalem. Da fake kine gods Samaria wen worship had no powa fo save da ten tribes. (2 Kings 17:7, 17, 18) An wit Hezekiah az king, Jerusalem wen hemo all da fake kine gods dey had worship, an wen come back to Jehovah. But da three guys Hezekiah wen sen fo rep him neva let da territory govna guy kno dat. But da three guys stay no tell da Assyria guy notting cuz King Hezekiah wen tell dem befo time, “Ony lissen an no talk back to him.” (Isaiah 36:21) Eliakim, Shebna, an Joah go back to Hezekiah an tell him wat da Assyria guy wen say.—Isaiah 36:22.
Good Kine Tings
Rememba Dat Jehovah “Stay Alive”
8 We can be like David an get thru oua problems if we rememba dat Jehovah always stay ready fo help us. (Songs 118:6) We can make oua trus in Jehovah moa strong if we tink about da tings he wen do befoa. Like can read stories in da Bible dat help you fo see how Jehovah wen save his worshipas. (Isa 37:17, 33-37) An go look da reports on oua jw.org website dat show how Jehovah wen take kea oua braddahs an sistahs in oua time. Anodda ting we can do, tink about times Jehovah wen do someting fo you. But maybe you feel like you neva have someting crazy happen to you, like Jehovah helping you fight one bear o lion. But try tink, Jehovah wen do plenny tings fo you in yoa life. Jehovah wen invite you fo come be his fren. (John 6:44) Even now, az ony cuz of his help dat you still yet stay in da trut. Try ask Jehovah fo help you rememba times wen he wen ansa yoa prayers, wen he wen take kea you right wen you needed um, o he wen help you fo hando thru some heavy pilikia. Tinking about tings lidis going make you trus moa dat Jehovah going keep taking kea you.
FEBRUARY 23–MARCH 1
TREASURES FROM DA BIBLE ISAIAH 38-40
“Jalike One Sheep Guy Take Kea His Sheeps”
w23.02-E 2-3 ¶3-4-mwbr
Wat Da Bible Show About Da One Dat Wen Write Um
3 Read Isaiah um 40:8. Fo tousands of years, da Bible wen show peopo how fo live good. How can? Dey wen write da Scripchas on paypa dat no las long, an none of da originals had been found. But Jehovah wen make shua copies wuz made. Even tho da guys who wen copy um no wuz perfeck, dey wuz supa keaful. Wen come to da Hebrew scripchas, one guy who wen skool fo study about um wen write, “We can say dat notting from dat long ago has eva been copy so good.” So even tho plenny years had pass by, da paypa neva las long, an da peopo who wen copy um no wuz perfeck, we kno fo shua dat da words we read in da Bible come from Jehovah.
4 “Erytime somebody give you someting nice an spesho,” all dat come from Jehovah. (Jam 1:17) Da Bible iz one of da bes gifs Jehovah wen give us. One gif show how good da giver kno us an kno wat we need. Same same wit da one dat wen give da Bible. Wen we look good at dis gif, we learn plenny about Jehovah. We see how good he kno us an kno wat we need. Dis lesson goin talk about how da Bible show three of Jehovah’s qualities: how akamai him, he fair, an he get plenny love. We go see firs how da Bible show how akamai him.
cl 70 ¶7-mwbr
Da Powa Fo Proteck—God Iz Oua Safe Place
7 Wen Jehovah tell us dat he jus like one shepherd, he show us dat he really like proteck us. (Ezekiel 34:11-16) Rememba wat Isaiah 40:11 tell about Jehovah, dat we wen talk about in Chapta 2 of dis book, “He take kea his peopo, jalike one sheep guy take kea his sheeps. He carry da bebe sheep in his arm, an carry dem on top his ches, an show da way to da muddah sheeps fo dem res.” How da bebe sheep wen get on top da ches of da shepherd? Maybe da bebe sheep wen go up to da shepherd an tap on his leg. But da shepherd da one dat gotta bend ova, pick um up, an put um on top his ches. Dass one nice way fo show how Jehovah really like keep us safe!
w18.01 8 ¶4-6-mwbr
“He Da One Make Da Tired Peopo Come Strong”
4 Read um Isaiah 40:26. Nobody been able fo count all da stars in da universe. Science guys tink might get 400 billion stars jus in oua galaxy. Still yet Jehovah wen name ery star. Wat dat teach us bout Jehovah? If he kea dat much about stars, try tink how much he kea bout you! You serve him, not cuz you gotta, but cuz you love him. (Songs 19:1, 3, 14) Jehovah kno eryting about you. Da Bible tell dat “he even know how much hairs you get on top yoa head!” (Mat 10:30) Jehovah like us kno dat “da peopo dat ack so dat nobody poin finga dem . . . He tink plenny bout dem.” (Songs 37:18) Jehovah see all da problems you get, an he can give you da powa you need fo hang in dea.
5 Read um Isaiah 40:28. All energy come from Jehovah. Try tink how much energy he give to da sun. One science guy David Bodanis sed dat fo ery secon, da sun make az much energy az billions of atomic bombs blowing up. Anodda science guy wen say dat fo ery secon, da sun make enuff energy fo erybody all ova da world fo 200,000 years! Garanz Jehovah, da one dat powa da sun, can give us da powa we need fo get tru hahd times
6 Read um Isaiah 40:29. Serving Jehovah make us happy. Jesus wen tell his guys, “I goin give you guys res . . . you guys put my yoke on top you . . . Cuz my yoke real easy fo put on, an my load not heavy.” (Mat 11:28-30) Az right! Sometimes we feel tired befoa we go to da meeting or befoa we go preach. But how we feel afta we pau? We feel good an moa ready fo hando da problems we get. Fo shua Jesus yoke iz easy fo put on.
Good Kine Tings
Wat Jehovah’s Name Should Mean To Us
12 We go try check out one prophecy dat show how Jesus wuz one witness fo Jehovah an wen show plenny respeck fo His name. Isaiah wen tell dat would have somebody dat would clear da way fo Jehovah. (Isa 40:3) How dat wen happen? Da Bible wen say John da Baptiza wen open da way fo Jesus, but wuz actually fo Jehovah cuz Jesus wen carry his Faddah’s name an wen talk about Him. (Mat 3:3; Mar 1:2-4; Luk 3:3-6) Da same prophecy wen say dat erybody goin see how awesome Jehovah stay. (Isa 40:5) Wen Jesus wuz on da eart, he wen rep his Faddah so perfeck, wuz like Jehovah wuz on da eart.—John 12:45.