Սաղմոսներ
Նվագավարին: Կորխի որդիների երգը:+ Մասքիլ:*
44 Ո՛վ Աստված, մենք լսել ենք,
Մեր նախահայրերը պատմել են մեզ,+
Պատմել են այն ամենը, ինչ արել ես նրանց օրերում՝
Վաղեմի ժամանակներում:
Դու ջախջախել ես ազգերին ու դուրս վռնդել:+
3 Մեր հայրերը երկրին տիրացան ոչ իրենց սրով+
Եվ հաղթանակեցին ոչ իրենց բազկով,+
Այլ շնորհիվ քո աջի, քո բազկի+ ու բարեհաճության,*
Քանի որ հավանությունդ ունեցան:+
4 Ո՜վ Աստված, դու ես իմ Արքան:+
Թող քո հրամանով Հակոբը հասնի լիակատար հաղթության:*
8 Ո՜վ Աստված, օրնիբուն քեզ կգովաբանենք,
Քո անունը հավիտյան կգովերգենք: (Սելա)
9 Բայց հիմա դու մեզ մերժել ու ամոթահար ես արել,
Պատերազմի դուրս չես գալիս մեր զորքի հետ:
13 Մեզ արհամարհելի ես դարձնում մեր հարևանների աչքում,
Մեր շուրջը եղողների ծաղրուծանակին ես մեզ արժանացնում:
14 Ժողովուրդների մեջ դու մեզ առակ ես դարձնում,+
Մեզ նայելիս ազգերը հեգնանքով իրենց գլուխն են շարժում:
15 Ողջ օրն ինձ նվաստացած եմ զգում,
Ամոթից գլուխս չեմ բարձրացնում,
16 Քանի որ նրանց ծաղրանքներն ու վիրավորանքներն եմ լսում,
Քանի որ մեր թշնամին վրեժ է առնում:
17 Այս ամենը մեր գլխին է եկել,
Բայց մենք քեզ չենք մոռացել,
Քո ուխտը չենք դրժել,+
18 Մեր սիրտը քեզնից չի հեռացել,
Մեր ոտքերը քո ուղուց չեն շեղվել:
19 Այնինչ շնագայլերի այս բնակավայրում
Դու մեզ ջախջախել ու թանձր խավարով ես պատել:
20 Եթե մոռացել ենք մեր Աստծու անունը,
Եթե ձեռքներս տարածած՝ օտար աստծու ենք աղոթում,
21 Մի՞թե Աստված չի պարզի այդ ամենը,
Չէ՞ որ նա գիտի սրտի գաղտնիքները:+
23 Վեր կաց, Եհո՛վա, ինչո՞ւ ես այդպես լուռ, ասես քնի մեջ:+
Զարթնիր, մեզ օգնիր, մեզ մեկընդմիշտ մի՛ լքիր:+
24 Ինչո՞ւ ես մեզնից երես դարձնում,
Մեր տառապանքն ու կեղեքումը մոռացության մատնում: