Սաղմոսներ

17 Ո՜վ Եհովա, լսիր աղերսանքս և արդարություն հաստատիր,

Ուշադրություն դարձրու օգնության աղաղակիս

Եվ ականջ դիր անկեղծ աղոթքիս:+

 2 Արդար դատավճիռ կայացրու հօգուտ ինձ,+

Թող քո աչքերը ճիշտը տեսնեն:

 3 Դու քննել ես սիրտս ու գիշերով ստուգել ես ինձ,+

Զտել ես ինձ ու պարզել,+

Որ ոչ մի վատ բան ես չեմ մտադրել,

Իմ խոսքերով հանցանք չեմ գործել:

 4 Անկախ նրանից՝ մարդիկ ինչ են անում,

Ես քո խոսքերի համաձայն եմ վարվում

Եվ կողոպտիչների բռնած ուղով չեմ գնում:+

 5 Օգնիր՝ քո ճանապարհին մնամ,

Որ հանկարծ չսայթաքեմ:+

 6 Ո՜վ Աստված, ես օգնության եմ կանչում քեզ,

Քանի որ գիտեմ՝ դու ինձ կպատասխանես:+

Դու փրկում ես զորավոր* ձեռքիդ տակ ապաստան փնտրողներին՝

Քո դեմ ըմբոստացողներից փախչողներին:

 8 Աչքիդ բիբի պես պահպանիր ինձ,+

Թևերիդ հովանու տակ պատսպարիր ինձ,+

 9 Պաշտպանիր ինձ վրա հարձակվող անօրեններից՝

Ինձ շրջապատող մահաբեր թշնամիներից:+

10 Նրանք անզգա են դարձել,*

Գոռոզությամբ են խոսում:

11 Հիմա նրանք մեզ պաշարել են,+

Առիթ են փնտրում, որ մեզ տապալեն:

12 Թշնամին նման է առյուծի, որ զոհին հոշոտել է ուզում,

Մի առյուծի, որ դարան է մտնում իր թաքստոցում:

13 Ո՛վ Եհովա, դուրս եկ նրա դեմ,+

Նրան պարտության մատնիր

Եվ քո սրով անօրենից ինձ ազատիր:

14 Եհո՛վա, փրկիր ինձ քո բազկով

Այս աշխարհի* մարդկանցից, որ ապրում են միայն ներկայով,+

Ում դու կշտացնում ես քո տված բարիքներով,+

Եվ ովքեր ժառանգություն են թողնում իրենց բազում զավակներին:

15 Իսկ ես քո հավանությունը կստանամ* իմ արդարությամբ

Եվ իմանալով, որ ինձ հետ ես՝* կզարթնեմ գոհունակությամբ:+