Ուսումնասիրության թողարկում

ՈՒՍՈՒՄՆԱՍԻՐՈՒԹՅԱՆ ՀՈԴՎԱԾՆԵՐԻ ՆՊԱՏԱԿԸ

ՈՒՍՈՒՄՆԱՍԻՐՈՒԹՅԱՆ ՀՈԴՎԱԾՆԵՐ 1, 2 ԷՋ 3–12

Այս հոդվածները ողջամիտ պատճառներ են բերում, թե ինչու պետք է կիրառենք ամուսնության վերաբերյալ Եհովայի տված խորհուրդները, ցույց են տալիս, թե ինչու է անչափ կարևոր դրական տրամադրվածություն պահպանել, երբ ամուսնական կապը թուլանում է, և թե ինչպես կիրառելով աստվածաշնչյան խորհուրդները՝ երջանիկ ամուսնություն կունենանք։ Այս հոդվածները կօգնեն ավելի շատ գնահատելու ամուսնությունը՝ Աստծու պարգևը։

ՈՒՍՈՒՄՆԱՍԻՐՈՒԹՅԱՆ ՀՈԴՎԱԾ 3 ԷՋ 17–21

Այս հոդվածը ցույց է տալիս, թե ինչու է Եհովան կոչվում «ժամանակների և ժամկետների» Աստված։ Հոդվածի ուսումնասիրությունը կամրացնի մեր հավատը նրա ու նրա Խոսքի՝ Աստվածաշնչի հանդեպ։ Մենք ավելի մեծ վճռականությամբ կլցվենք, որ իմաստությամբ օգտագործենք մեր ժամանակը, մինչ վստահությամբ սպասում ենք Եհովայի խոստացած փրկությանը։

ՈՒՍՈՒՄՆԱՍԻՐՈՒԹՅԱՆ ՀՈԴՎԱԾ 4 ԷՋ 23–27

Մենք սիրում ենք Աստծուն և ցանկանում ենք արտացոլել նրա փառքը։ Այս հոդվածը բացատրում է, թե ինչպես կարող է անկատար մարդը դա անել, և ցույց է տալիս, թե ինչ պետք է անենք, որ ընդօրինակենք Աստծուն ու հաճեցնենք նրան (Եփես. 5։1)։ Հոդվածում նաև խոսվում է այն մասին, թե ինչպես կարող ենք շարունակ փառավորել Աստծուն։