Ղեկավարություն վերցնող վերակացուներ՝ «Դիտարանի» ուսումնասիրության ղեկավար
1 «Դիտարան. ծանուցանում է Եհովայի Թագավորությունը» հրատարակությունը «հաւատարիմ եւ իմաստուն ծառայի» հայթայթած հիմնական հոգևոր կերակուրն է, որը ստանում ենք «իր ժամին» (Մատթ. 24։45)։ «Դիտարանի» ուսումնասիրությունն անցկացնող երեցը, որպես շնորհալի ուսուցիչ, լուրջ պատասխանատվություն է կրում և քրիստոնեական կյանքում հիանալի օրինակ ծառայում (Հռովմ. 12։17; Յակ. 3։1)։
2 Որպեսզի ուսուցումն արդյունավետ կերպով անցնի, «Դիտարանի» ուսումնասիրության ղեկավարը նախապես աղոթելով և ուշադրությամբ պետք է ջանք թափի շաբաթական նյութը պատրաստելու վրա։ Ժողովի հանդեպ ունեցած խիստ հետաքրքրվածությունը երևում է այն բանից, որ նա ջանք չի խնայում, որպեսզի ուսումնասիրվող նյութը հասնի մեր սրտերին։ Նա իր ուշադրությունը կենտրոնացնում է գլխավոր կետերի վրա և օգնում մեզ տեսնելու, թե դրանք ինչպես են կապված նյութի բովանդակության հետ։
3 Այս մարզում լավ նախապատրաստվել նշանակում է՝ նախապես փնտրել Գրություններից մեջբերված համարները, ինչպես նաև իմանալ դրանց կիրառության կերպերը։ Ուսումնասիրության ընթացքում երեցը հատուկ ուշադրություն է դարձնում Աստծո Խոսքի վրա, որպեսզի խրախուսի ժողովին՝ Աստվածաշունչը լավագույն կերպով կիրառելու։ Երբ պատասխանների միջոցով չի բացահայտվում որևէ կարևոր կետ կամ ուշադրություն չի դարձվում աստվածաշնչային որևէ գլխավոր համարի վրա, նա լրացուցիչ հարց է ուղղում բաց թողնվածը քննարկելու համար։ Այսպիսով՝ նա օգնում է մեզ ճիշտ եզրակացության հանգել և իմանալ, թե ինչպես կարող ենք մեր սովորածը կիրառել կյանքում։
4 «Դիտարանի» ուսումնասիրության ղեկավարը աշխատում է աստիճանաբար բարելավել իր ուսուցանելու ընդունակությունները։ Նա անձամբ շատ մեկնաբանություններ չի անում, այլ քաջալերում է մեզ հարցերին պատասխանել սեփական բառերով, կարճ և տեղին։ Նա կարող է ժամանակ առ ժամանակ հիշեցնել մեզ, որ պարբերությանը վերաբերվող առաջին մեկնաբանությունը պետք է լինի տպագրված հարցի կարճ ու դիպուկ պատասխանը։ Ունկնդիրները լրացուցիչ մեկնաբանություններ կարող են տալ՝ գործածելով Գրությունները և նյութը պաշտպանող փաստարկներ կամ թեմայի գործնական կիրառումը ներկայացնելով։ «Դիտարանի» ուսումնասիրության ղեկավարը ջանում է յուրաքանչյուրի մեջ ցանկություն առաջացնել, որպեսզի քննարկման ժամանակ իրենց մասնակցությունը բերեն՝ նախօրոք անհատապես կամ ընտանիքով պատրաստվելով։
5 Մենք՝ որպես «Տէրից ուսուած» անհատներ, բարձր ենք գնահատում «մարդկանց» տեսքով պարգևները, ինչպես օրինակ, «Դիտարանի» ուսումնասիրության ղեկավարներին, ովքեր «տքնում են.... ուսուցանելով» (Ես. 54։13; Եփես. 4։8, 11; Ա Տիմոթ. 5։17)։