Փոփոխություններ՝ «Հայտնություն. փառահեղ գագաթնակետը մոտ է» գրքի համար

Այս հոդվածում բերվում են հիմնական փոփոխությունները «Հայտնություն. փառահեղ գագաթնակետը մոտ է» գրքի արևմտահայերեն հրատարակության համար, որը լույս է տեսել 2001 թ.–ին։ Այս ցանկում ընդգրկված չեն այնպիսի փոփոխություններ, ինչպիսիք են օրինակ՝ վիճակագրական նոր տվյալները, որոնք կարելի է գտնել վերջին «Տարեգրքում» և այլ հրատարակություններում։

ԳԼՈՒԽ 5

էջ 24, պ. 3. ծանոթագրության բովանդակությունը փոխարինել.* Մանրամասն բացատրության համար տե՛ս «Ի՞նչ է սովորեցնում Աստվածաշունչը իրականում» գիրքը (էջ 88–92, 215–218)։ Հրատարակվել է Եհովայի վկաների կողմից։

ԳԼՈՒԽ 6

էջ 30, պ. 12. 6–րդ նախադասությունը փոխարինել. Ի վերջո, Հռոմի կայսր Կոստանդինը պետականորեն ընդունեց «քրիստոնեական» կրոնը, և դա հանգեցրեց այն բանին, որ առաջ եկավ քրիստոնեական աշխարհը, որում եկեղեցին և պետությունը միավորեցին իրենց ուժերը՝ հազար տարի կառավարելու համար։

էջ 32, շրջանակ. առաջին պարբերությունը փոխարինել. Հիսուսը մկրտվեց և օծվեց որպես նշանակված Թագավոր մոտավորապես մ.թ. 29–ի հոկտեմբերին Հորդանան գետում։ Երեքուկես տարի հետո՝ մ.թ. 33 թ.–ին, նա եկավ Երուսաղեմի տաճար և այնտեղից դուրս հանեց բոլոր նրանց, ովքեր այն ավազակների որջ էին դարձրել։ Թվում է, թե այստեղ զուգահեռ կա այդ իրադարձության և այն երեքուկես տարի ժամանակահատվածի միջև, որը սկսվում է 1914 թ.–ից, երբ Հիսուսը գահակալվեց երկնքում, մինչև այն ժամանակը, երբ նա եկավ ստուգելու համար այսպես կոչված քրիստոնյաներին, և Աստծու տնից սկսվեց դատաստանը (Մատթէոս 21։12, 13; Ա Պետրոս 4։17)։ 1918 թ. սկզբին Եհովայի ժողովրդի կողմից կատարվող Թագավորության գործը մեծ հակառակության հանդիպեց։ Դա փորձության ժամանակ էր ամբողջ աշխարհում, և վախկոտները մաղվեցին։ 1918 թ. մայիսին, քրիստոնեական աշխարհի հոգևորականության դրդմամբ, «Դիտարան ընկերության» պատասխանատու անձինք բանտարկվեցին, սակայն ինը ամիս հետո ազատ արձակվեցին։ Հետագայում նրանց դեմ ուղղված կեղծ մեղադրանքները չեղյալ համարվեցին։ 1919–ից սկսած՝ Աստծու կազմակերպված ժողովուրդը՝ արդեն փորձված ու զտված, նախանձախնդրությամբ գործի անցավ և սկսեց ամենուրեք հռչակել, որ մարդկության միակ հույսը Եհովայի Թագավորությունն է՝ Հիսուս Քրիստոսի գլխավորությամբ (Մաղաքիա 3։1–3)։

ԳԼՈՒԽ 8

էջ 40, պ. 8, տող 6. փոխարինել՝ «125 սխալներ». 130 սխալներ

էջ 40, պ. 10. վերջին նախադասությունը փոխարինել. Միայն Միացյալ Նահանգների Բարձրագույն դատարանում Եհովայի վկաները 50 հաղթանակ տարան

ԳԼՈՒԽ 10

էջ 50, պ. 11. ծանոթագրության բովանդակությունը փոխարինել. Տե՛ս, օրինակ, «Հավատարիմ քրիստոնյա կանայք թանկագին են Աստծու աչքում» հոդվածը, «Դիտարան», 2003, 1 նոյեմբերի

ԳԼՈՒԽ 11

էջ 56, պ. 9. պարբերության երկրորդ մասը փոխարինել. Այս բանի առնչությամբ «Դիտարան» պարբերագրում քննարկվել են այնպիսի քաջալերական թեմաներ, ինչպիսիք են՝ «Քննեցէք ձեր անձերը» և «Այլևս չապրենք մեզ համար»։* Ունենալով Աստվածաշնչի վրա հիմնված այսպիսի օգնություն՝ եկեք քննենք մեր ներքին անձնավորությունը, մինչ ձգտում ենք խոնարհությամբ ու աղոթքների օգնությամբ պահել մեր անարատությունը Եհովայի առջև (Սաղմոս 26։1–3; 139։23, 24)։

էջ 56, պ. 9. ծանոթագրությունը փոխարինել.* Տե՛ս «Դիտարան», 2005 թ., հուլիսի 15 և 2005 թ., մարտի 15։

ԳԼՈՒԽ 12

էջ 61, պ. 14. ծանոթագրությունը փոխարինել. «Դիտարան» պարբերագիրը, որ տպագրվում է «Հովհաննես» դասակարգի կողմից, շարունակում է ընդգծել այն միտքը, թե որքան հրատապ է քարոզելու հնարավորություններ փնտրելը և հնարավորության սահմաններում լիարժեքորեն քարոզչական գործին մասնակցելը. օրինակ՝ տե՛ս «Դիտարանի» 2004 թ. հունվարի 1–ի համարում տեղ գտած՝ «Թող բոլորը պատմեն Եհովայի փառքը» և ««Նորանց ձայնը դուրս գնաց բոլոր երկիրը»» վերնագրերով հոդվածները։ «Դիտարանի» 2004 թ. հունիսի 1–ի համարում տպագրված «Օրհնյալ են Աստծուն փառք տվողները» վերնագրով հոդվածում հատուկ շեշտ էր դրվում լիաժամ ծառայություն սկսելու հնարավորության վրա։ Ռահվիրայական ծառայությանը մասնակցած քարոզիչների բարձրագույն թիվ է գրանցվել 2005 թ. ամիսներից մեկին՝ 1 093 552։

ԳԼՈՒԽ 13

էջ 71, պ. 14, տող 5. փոխարինել՝ «1988–ին ավելի քան 20 միլիոն». «2006–ին ավելի քան 59 միլիոն»

էջ 73, պ. 23, տող 13. ջնջել սուրբգրային համարը. Մատթէոս 25։31

ԳԼՈՒԽ 16

էջ 90, պ. 4. երկրորդ ծանոթագրությունը փոխարինել.* Մանրամասն ապացույցների համար, որ Հիսուսը իր Թագավորության իշխանությունը ստացել է 1914–ին, տե՛ս «Ի՞նչ է սովորեցնում Աստվածաշունչը իրականում» գիրքը, էջ 215–218։ Հրատարակվել է Եհովայի վկաների կողմից։

էջ 90, պ. 6. պարբերությունը փոխարինել. Իսկ ինչո՞ւ պետք է նոր գահակալված Թագավորը դուրս գա պատերազմի։ Պատճառն այն է, որ նրա իշխանությունը հաստատվեց՝ չնայած այն մեծ հակառակությանը, որ գալիս է Եհովայի գլխավոր թշնամու՝ Բանսարկու Սատանայի, և երկրի վրա ապրող այն անհատների կողմից, ովքեր գիտակցաբար կամ առանց գիտակցելու ծառայում են Սատանայի նպատակներին։ Թագավորության ծնունդը մեծ պատերազմ առաջ բերեց երկնքում։ Պատերազմելով Միքայել անվան տակ (նշանակում է՝ «Ո՞վ է Աստծու նման»)՝ Հիսուսը հաղթեց Սատանային ու նրա դևերին և նրանց վայր գցեց երկրի վրա (Յայտնութիւն 12։7–12)։ Հիսուսի հաղթական արշավը շարունակվում է արդեն մի քանի տասնամյակ՝ Տիրոջ օրվանից սկսած և այդ ընթացքում հավաքվում են գառնանման անհատները։ Չնայած որ ամբողջ աշխարհը դեռ չարի իշխանության տակ է, Հիսուսը շարունակում է սիրառատ կերպով հովվել օծյալ եղբայրներին և նրանց աջակիցներին՝ օգնելով նրանցից յուրաքանչյուրին հաղթանակ տանել հավատի պատերազմում (Ա Յովհաննէս 5։19)։

էջ 92, պ. 9. վերջին նախադասությունը փոխարինել. Հրաշալի աճ է նկատվել կաթոլիկական երկրներում և այն երկրներում, որտեղ սաստիկ հալածանքներ են եղել՝ Գերմանիայում, Իտալիայում և Ճապոնիայում, որտեղ այժմ ընդհանուր հաշվով ավելի քան 600 000 ակտիվ քարոզիչներ կան (Եսայիա 54։17; Երեմիա 1։17–19)։

էջ 97, պ. 28. պարբերությունը փոխարինել. Այստեղ հիշատակված մահը կարևոր նշանակություն ունի նաև մեր օրերում։ Առաջին համաշխարհային պատերազմի ավերումներին հաջորդեց «իսպանկան», որը 1918–1919 թթ.–ին ընդամենը մի քանի ամսում ավելի քան 20 միլիոն մարդու կյանք խլեց։ Երկրագնդի միակ վայրը, ուր այս չարիքը չէր հասել, Սուրբ Հեղինեի կղզին էր։ Այն վայրերում, որտեղ բնակչությունը մասսայաբար ոչնչանում էր, մարդկանց դիակները հավաքում էին և կույտ–կույտ այրում։ Իսկ այսօր անասելի մեծ տարածում են գտել սրտի հիվանդությունները և քաղցկեղը, որոնց մեծ մասի պատճառը ծխախոտի գործածությունն է։ 1980–ականներին, որն անվանվեց «գարշելի տասնամյակ», Աստվածաշնչի տեսանկյունից անբարո համարվող ապրելակերպի հետևանքով մահվան պատուհասին գումարվեց նաև ՁԻԱՀ–ը։ Ինչպես տեղեկացվում է, 2000 թ.–ին ԱՄՆ–ի առողջապահության հարցերով ղեկավար մի պաշտոնյա ՁԻԱՀ–ը անվանեց «պատմության թերևս ամենասարսափելի համաճարակը»։ Նա ասաց, որ ամբողջ աշխարհում ՄԻԱՎ/ՁԻԱՀ–ով վարակվել է 52 միլիոն մարդ, որոնցից 20 միլիոնը մահացել է։ Որքա՜ն երախտապարտ են Եհովայի ծառաները, որ Աստծու Խոսքի իմաստուն խորհրդի շնորհիվ հեռու են մնում պոռնկությունից և արյան սխալ գործածությունից, որոնց միջոցով այսքան շատ հիվանդություններ են տարածվում մեր օրերում (Գործք 15։28, 29; համեմատի՛ր Ա Կորնթացիս 6։9–11)։

ԳԼՈՒԽ 18

էջ 106, պ. 7. պարբերությունը փոխարինել. Երկրորդ համաշխարհային պատերազմն իր հետ սոցիալական ցնցումների մեկ այլ ալիք բերեց։ Բացի այդ, երկիրը շարունակում են «ցնցել» ավելի փոքր պատերազմները և միջազգային ահաբեկչությունը։ Ահաբեկիչների գործողությունները և մասսայական ոչնչացման նպատակով զենքեր գործածելը մղում են մարդկանց մտածելու։

էջ 107, պ. 11. չորրորդ նախադասությունը փոխարինել. Սատանայի աշխարհին այս համաշխարհային նախազգուշացումն է տրվում։*

ԳԼՈՒԽ 20

էջ 123, պ. 11. չորրորդ նախադասությունը փոխարինել. Ներկայումս այդ համակարգի տարբեր ձևերը գործածվում են ամբողջ աշխարհի ավելի քան 125 վայրերում, ինչը և մեծ օգնություն է, որպեսզի ամիսը երկու անգամ թողարկվող «Դիտարան» պարբերագիրը հրատարակվի միաժամանակ 130 լեզուներով։

էջ 128, պ. 30. վերջին նախադասությունը փոխարինել. Միայն մարդկության մի փոքր մասը, այդ թվում կնիքն ունեցող 144 000 օծյալների միջից նրանք, ովքեր գուցե դեռ երկրի վրա լինեն, և ուրիշ ոչխարների մեծ բազմությունը, որ ‘կկանգնի’, այսինքն՝ կփրկվի նրանց հետ (Երեմիա 35։19; Ա Կորնթացիս 16։13)։

ԳԼՈՒԽ 22

էջ 146, պ. 16. Յայտնութիւն 9։10 համարի մեջբերումից հետո գրված նախադասությունները փոխարինել. Ի՞նչ կարող է նշանակել դա։ Կատարելով Թագավորության իրենց գործը՝ Եհովայի վկաները բանավոր խոսքով և տպագրված նյութերի օգնությամբ համոզիչ փաստարկներ են բերում՝ հիմնված Աստծու Խոսքի վրա։ Նրանց հաղորդած պատգամը նման է կարիճի խայթոցի, քանի որ նրանք նախազգուշացնում են Եհովայի մոտալուտ վրեժխնդրության օրվա մասին (Եսայիա 61։2)։ Դեռևս հոգևոր մորեխների ներկա սերունդը իր կյանքի ընթացքը չավարտած՝ կավարտվի այն գործը, որ նրանց է հանձնարարված, այն է՝ հռչակել Եհովայի դատաստանները, որոնք տառապանք են պատճառում Աստծուն հայհոյող խստապարանոց մարդկանց։

էջ 147, պ. 17. ծանոթագրությունը փոխարինել.* Այս պարբերագիրը 1937 թ.–ին կոչվեց «Մխիթարություն», իսկ 1946–ին՝ «Արթնացե՛ք»։

ԳԼՈՒԽ 24

էջ 160, պ. 21, տող 11, 12. փոխարինել՝ «այծանման մարդիկ». հակառակորդները

էջ 160, պ. 21, տող 17, 18. փոխարինել՝ «Մատթէոս 25։31–34, 41, 46». Փիլիպպեցիս 1։27, 28

էջ 160. 21–րդ հարցի (բ) մասը փոխարինել. Ինչո՞ւ է բարի լուրը վատ լուր հակառակորդների համար։

ԳԼՈՒԽ 25

էջ 162, պ. 4. ծանոթագրությունը փոխարինել.* Այս մեծ հոգևոր տաճարի մանրամասն քննարկման համար տե՛ս «Դիտարանի» 1996 թ. հոկտեմբերի 1–ի համարում (արևմտ.) «Եհովայի Հոգեւոր Մեծ Տաճարը» վերնագրով հոդվածը և 1972 թ. դեկտեմբերի 1–ի համարում (անգլ.) «Միակ ճշմարիտ տաճարը երկրպագության համար» վերնագրով հոդվածը

էջ 162, պ. 5. երրորդ նախադասությունը փոխարինել. Եբրայերեն Գրությունների մարգարեություններում այդպիսի չափումներ անելը երաշխավորում էր, որ արդարություն է գործադրվելու՝ հիմնված Եհովայի կատարյալ չափանիշների վրա։

էջ 164, պ. 7. Յայտնութիւն 11։2 համարից հետո գրված երկրորդ նախադասությունը փոխարինել. Ինչպես դեռ կտեսնենք, այստեղ խոսվում է բառացի 42 ամիսների մասին, որոնք սկսվեցին 1914–ի դեկտեմբերին և ավարտվեցին 1918–ի հունիսին, երբ իրենց քրիստոնյա համարող բոլոր մարդիկ պետք է դաժան փորձության ենթարկվեին

էջ 165. նկարի տակի մեկնաբանությունը փոխարինել. Զորաբաբելի և Հեսուի կատարած վերակառուցման աշխատանքը ցույց տվեց, որ Տիրոջ օրվա համեստ սկզբին կարող էր հաջորդել Եհովայի վկաների թվի մեծ աճը։ Անհրաժեշտ էր ընդարձակել այն շինությունները, ինչպիսիք որ ցույց են տրված վերևում (Բրուքլին, Նյու Յորք), որպեսզի հնարավոր լիներ հոգալ նրանց կարիքները

ԳԼՈՒԽ 27

էջ 185, պ. 28. առաջին երկու պարբերությունները փոխարինել. Հալածանքի այս դաժան ալիքը իր գագաթնակետին հասավ Երկրորդ համաշխարհային պատերազմի ժամանակ։ Եվրոպայում 12 000 Վկաներ ուղարկվեցին համակենտրոնացման ճամբարներ և բանտեր, և մոտավորապես 2 000–ը մահացավ։

ԳԼՈՒԽ 28

էջ 187, պ. 4. ծանոթագրությունը փոխարինել.* Լրացուցիչ մանրամասնությունների համար տե՛ս «Ուշադրություն դարձրեք Դանիելի մարգարեությանը» գիրքը (էջ 165–179, արևմտ.)՝ հրատարակված Եհովայի վկաների կողմից։

ԳԼՈՒԽ 29

էջ 202, պ. 14. 1–3-րդ տողերը փոխարինել. 144 000 օծյալները «երկրից [են] փրկուել», «փրու[ել են] մարդկանցից»։ Նրանք ընդունվում են որպես Աստծու որդիներ և իրենց

ԳԼՈՒԽ 30

էջ 209, պ. 10. 1–ին տողը փոխարինել. Մոտավորապես 1870–ականներին օծյալ քրիստոնյաները սկսեցին

ԳԼՈՒԽ 32

էջ 231, պ. 27. վերջին նախադասությունը փոխարինել. Ամեն անգամ, երբ ինչ–որ տեղ կեղծ հայտարարություն է հնչում, թե՝ «խաղախություն և ապահովություն է», դրա ետևում Սատանան է կանգնած (Ա Թեսաղոնիկեցիս 5։2, 3)։

ԳԼՈՒԽ 33

էջ 243, պ. 21. վերջից երկրորդ նախադասությունը փոխարինել. Ուշագրավ է, որ իր ելույթում պապը շատ քիչ բան ասաց Հիսուս Քրիստոսի կամ Աստծու Թագավորության մասին։

ԳԼՈՒԽ 34

էջ 250, պ. 12, ծանոթագրություն. «1981»–ը փոխարինել. 1993

էջ 251, պ. 14. պարբերությունը փոխարինել. Վերջին տարիներին քաղաքական գործիչները հաճախ են գործածում «խաղաղություն և ապահովություն» արտահայտությունը, երբ խոսում են մարդկանց կողմից կազմված տարբեր ծրագրերի մասին։ Արդյոք դա նշանակո՞ւմ է, որ Ա Թեսաղոնիկեցիս 5։3–ում արձանագրված խոսքերը սկսել են կատարվել։ Թե՞ Պողոսը նկատի ուներ ինչ–որ հատուկ իրադարձություն, որը պետք է տեղի ունենար մեծ մասշտաբով և գրավեր աշխարհի ուշադրությունը։ Քանի որ հաճախ Աստվածաշնչի մարգարեությունները ամբողջությամբ հասկանալի են դառնում կատարվելուց հետո կամ կատարման ընթացքում, մենք պետք է սպասենք և տեսնենք։ Միևնույն ժամանակ, քրիստոնյաները գիտեն, որ ինչպիսի թվացյալ խաղաղության և ապահովության էլ որ ազգերը հասնեն, առանձնապես ոչինչ չի փոխվելու։ Եսասիրությունը, ատելությունը, հանցագործությունները, ընտանեկան կառույցի քայքայումը, անբարոյականությունը, հիվանդությունները, վիշտը և մահը դեռ գոյություն են ունենալու։ Ուստի «խաղաղության և ապահովության» ոչ մի հայտարարություն չի մոլորեցնի քեզ, եթե հիշես աշխարհի իրադարձությունների նշանակության մասին և ուշադրություն ընծայես Աստծու Խոսքի մարգարեական նախազգուշացումներին (Մարկոս 13։32–37; Ղուկաս 21։34–36)։

ԳԼՈՒԽ 36

էջ 266, պ. 28. երրորդ և չորրորդ նախադասությունները փոխարինել. Պոռնիկը իր արածի կրկնակի չափով է ստանալու։ Բաբելոնի հանդեպ ոչ մի ձևով ողորմություն ցույց չի տրվելու, քանի որ նա որևէ ձևով ողորմություն ցույց չի տվել իր զոհերի հանդեպ։

ԳԼՈՒԽ 38

էջ 277, պ. 17. վերջին երկու նախադասությունները փոխարինել. Եթե օծյալ քրիստոնյաներից որևէ մեկը կենդանի մնա երկրի վրա, ապա այն բանից հետո, երբ Քրիստոսն ավարտի իր հաղթական արշավը, նրանք, անկասկած, կստանան իրենց երկնային պարգևը և կմիանան հարս դասակարգի մյուս անդամներին։ Դրանից հետո Աստծու սահմանած ժամանակին տեղի կունենա Գառան հարսանիքը։

էջ 277, պ. 18. առաջին նախադասությունը փոխարինել. Այն, թե ինչ հերթականությամբ տեղի կունենան իրադարձութունները, մարգարեական նշանակությամբ նկարագրվում են 45–րդ սաղմոսում։

ԳԼՈՒԽ 41

էջ 296, պ. 5. առաջին երեք նախադասությունները փոխարինել. Հին երկիրն ու երկինքը փախչելուց հետո ովքե՞ր են մնալու դատվելու համար։ 144 000 օծյալների մնացորդը չի մնալու, քանի որ նրանք արդեն դատվել են և ընդունել կնիքը։ Եթե օծյալներից որևէ մեկը Արմագեդոնից հետո մնա երկրի վրա, դրանից կարճ ժամանակ անց պետք է մահանա և հարության միջոցով ընդունի իր երկնային պարգևը (Ա Պետրոս 4։17; Յայտնութիւն 7։2–4)։

ԳԼՈՒԽ 43

էջ 311, պ. 19. «Յայտնութիւն 11։15; 12։10» համարներից հետո գրված նախադասությունները փոխարինել. Վերջին օրերում ոգին և հարսը հրավիրում են ճշմարտության հանդեպ դրականորեն տրամադրված անհատներին անվճար վերցնելու կյանքի ջուրը։ Անկեղծ սրտով անհատները կարող են այդ գետից ջուր վերցնել մինչև ներկա իրերի համակարգի վերջը և դրանից հետո էլ՝ արդեն նոր աշխարհում, երբ Նոր Երուսաղեմը իջնի «Աստուածանից երկնքիցը» (Յայտնութիւն 21։2)։

էջ 312, պ. 26. առաջին երկու նախադասությունները փոխարինել. Այդ ծառերի մեջ, որոնք առատ ջուր են ստանում գետից, կարող են մտնել Գառան կնոջ 144 000 անդամները։ Երկրի վրա եղած ժամանակ նրանք նույնպես խմում են կյանքի ջրից, այսինքն՝ օգտվում են Հիսուս Քրիստոսի միջոցով Աստծու ձեռնարկած միջոցառումներից։ Հետաքրքիր է, որ Հիսուսի՝ ոգուց ծնված այս եղբայրները, մարգարեական լեզվով ասած, կոչվում են «արդարութեան բեւեկնիներ» (Եսայիա 61։1–3; Յայտնութիւն 21։6)։