Նպատակ դիր Աստվածաշնչի ուսումնասիրություն սկսել

¹ «Բարձրացրե՛ք ձեր աչքերը և նայեք արտերին, որ սպիտակել են հնձի համար» (Հովհ. 4։35)։ Հիսուս Քրիստոսի այս խոսքերն, անկասկած, վերաբերում են նաև մեր օրերին։

² Դեռևս հնարավոր է հանդիպել անկեղծ սիրտ ունեցող մարդկանց, ովքեր ցանկանում են սովորել Եհովայի ճանապարհների մասին։ Դա պարզ երևում է նրանից, որ ամեն տարի բազմաթիվ նոր աշակերտներ են մկրտվում։ Ի՞նչ կարող ես անել, եթե սրտանց ցանկանում ես Աստվածաշնչի ուսումնասիրություն անցկացնել։

³ Նպատակ դիր։ Նախ նպատակ դիր սկսելու և անցկացնելու Աստվածաշնչի ուսումնասիրություն։ Ծառայությանը մասնակցելիս միշտ մտքումդ պահիր այդ նպատակը։ Քանի որ մեզ՝ քրիստոնյաներիս, հանձնարարություն է տրվել ուսուցանել և քարոզել, բոլորս պետք է ավելի շատ առիթներ փնտրենք, որպեսզի սկսենք և անցկացնենք Աստվածաշնչի ուսումնասիրություններ (Մատթ. 24։14; 28։19, 20)։

⁴ Է՛լ ինչ է պետք հիշել։ Թագավորության քարոզիչների համար անչափ կարևոր է աղոթքը։ Երբեմն մենք հանդիպում ենք մարդկանց, ովքեր աղոթել են Աստծուց հոգևոր օգնություն ստանալու մասին։ Ինչպիսի՜ օրհնություն է այն, որ Եհովան օգտագործում է մեզ այդպիսի մարդկանց գտնելու և ուսուցանելու համար (Անգէ 2։7; Գործեր 10։1, 2)։

⁵ Մի քույր աղոթում էր Աստվածաշնչի ուսումնասիրություն անցկացնելու մասին։ Իր աշխատանքի վայրում նա դրել էր «Կցանկանայի՞ք ավելին իմանալ Աստվածաշնչի մասին» թերթիկի մի քանի օրինակներ այնտեղ, որտեղ ուրիշները կարող էին տեսնել։ Երբ մի կին վերցրեց թերթիկներից մեկը, աչքի անցկացրեց գրվածը և սկսեց լրացնել կտրոնը, քույրը մոտեցավ, զրուցեց նրա հետ և կարողացավ Աստվածաշնչի ուսումնասիրություն սկսել։

⁶ Մեր հավատակիցները, ովքեր կարողանում են արդյունավետ կերպով Աստվածաշնչի ուսումնասիրություններ սկսել և անցկացնել, կարող են քեզ օգնել հասնելու Աստվածաշնչի ուսումնասիրություն անցկացնելու քո նպատակին։ Աղոթիր Աստծուն, որ օրհնի քեզ գտնել որևէ մեկին, որի հետ կարող ես Աստվածաշնչի ուսումնասիրություն սկսել, և օգտվիր ամեն հնարավորությունից՝ քո նպատակին հասնելու համար։ Հնարավոր է՝ շուտով կվայելես Աստվածաշնչի ուսումնասիրություն անցկացնելու ուրախությունը։