Ծառայությունն ընդլայնելու առանձնահատուկ հնարավորություն
1. Ի՞նչ պատճառներ ունենք ընդլայնելու մեր ծառայությունը մարտ, ապրիլ և մայիս ամիսներին։
1 Կարո՞ղ ես ընդլայնել ծառայությունդ Հիշատակի երեկոյի և դրան նախորդող ու հաջորդող ամիսներին։ Սովորաբար, տարվա այս ժամանակ շատ վայրերում եղանակը բարենպաստ է, իսկ օրերը՝ երկար։ Որոշ քարոզիչներ, ովքեր աշխատում են կամ դպրոցական են, արձակուրդի մեջ են լինում, ուստի կարող են օգտագործել այդ ժամանակը՝ ավելի շատ մասնակցելով ծառայությանը։ Սկսած ապրիլի 2-ից՝ մենք հաճույքով կմասնակցենք հատուկ քարոզարշավի և հետաքրքություն ցույց տվողներին կհրավիրենք Հիշատակի երեկոյին, որը տեղի կունենա ապրիլի 17-ին։ Այնուհետև կջանանք զարգացնել այդ մարդկանց հետաքրքրությունը ու կհրավիրենք նրանց հատուկ ելույթի, որը կներկայացվի ապրիլի 25-ով սկսվող շաբաթվա ընթացքում։ Այո՛, իսկապես շատ պատճառներ կան ընդլայնելու մեր ծառայությունը մարտ, ապրիլ և մայիս ամիսներին։
2. Ո՞րն է ծառայությունն ընդլայնելու լավագույն միջոցներից մեկը։
2 Ենթառահվիրայություն։ Ծառայությունն ընդլայնելու հրաշալի միջոցներից մեկը ենթառահվիրա ծառայելն է։ Քանի որ բոլորս էլ զբաղված ենք, այս նպատակին հասնելու համար պետք է նախապես պլանավորենք մեր գործերը և գրաֆիկում փոփոխություններ մտցնենք (Առակ. 21։5)։ Թերևս անհրաժեշտ լինի հետաձգել որոշ ոչ կարևոր գործեր (Փիլիպ. 1։9–11)։ Լավ կլինի այդ ցանկության մասին հայտնել նաև ուրիշներին, ինչն էլ թերևս մղի նրանց քեզ հետ միասին ծառայելու որպես ենթառահվիրա։
3. Ինչպե՞ս կարող են ընտանիքներն ընդլայնել իրենց ծառայությունը։
3 Հաջորդ ընտանեկան երկրպագության ընթացքում կարող եք քննարկել, թե ինչ նպատակներ ունեք (Առակ. 15։22)։ Եթե միասին համագործակցեք, գուցե ընտանիքի որոշ անդամներ կարողանան մեկ կամ մի քանի ամիս ծառայել որպես ենթառահվիրա։ Իսկ եթե քննարկման վերջում պարզ դառնա, որ դա հնարավոր չէ, ընտանիքի անդամները կարող են ընդլայնել իրենց ծառայությունը՝ օգտագործելով շաբաթվա որոշ երեկոներ կամ էլ երկար ծառայելով շաբաթ-կիրակի օրերին։
4. Ի՞նչ օրհնություններ կվայելենք, եթե ընդլայնենք մեր ծառայությունը Հիշատակի երեկոյի և դրան նախորդող ու հաջորդող ամիսներին։
4 Եհովան տեսնում է այն ջանքերը, որ թափում ենք իրեն ծառայելու համար, և գնահատում է մեր կատարած զոհողությունները (Եբր. 6։10)։ Եհովային և ուրիշներին ծառայելը իսկական ուրախության աղբյուր է (1 Տար. 29։9; Գործ. 20։35)։ Իսկ դու կարո՞ղ ես ավելի շատ մասնակցել ծառայությանը Հիշատակի երեկոյի և դրան նախորդող ու հաջորդող ամիսներին ու վայելել անսահման ուրախություն և օրհնություններ։