«Եհովայի վկաներ. կազմակերպված քարոզում են բարի լուրը»

Ավելի քան 100 տարի Եհովայի վկաները կազմակերպված քարոզում են բարի լուրը։ Արդյունքում բարի լուրի քարոզչությունը, որը կատարվում է ավելի քան 230 երկրներում հարյուրավոր լեզուներով, դարձել է ամբողջ աշխարհում երբևէ կատարված մեծագույն քարոզարշավը (Մատթ. 24։14)։ Ինչո՞ւ է այս գործը անհրաժեշտ։ Ինչպե՞ս է այս գործունեությունը ծավալվում ողջ աշխարհում։ «Եհովայի վկաներ. կազմակերպված քարոզում են բարի լուրը» ֆիլմը պատասխանում է այս հարցերին՝ մանրամասնորեն բացատրելով, թե ինչպես է բարի լուրը տարածվում աշխարհով մեկ։ Ֆիլմը դիտելուց հետո մտածիր հետևյալ հարցերի շուրջ։

Ինչպե՞ս է այս ֆիլմը մեծացնում քո գնահատանքը այն բանի համար, որ 1) Եհովայի կազմակերպությունը ջանքեր է թափում բարի լուրը քարոզելու (2 Տիմոթ. 4։2), 2) ողջ աշխարհում կան Բեթելի ընտանիքներ, 3) մարզում է տրվում միսիոներներին և երեցներին (2 Տիմոթ. 2։2), 4) շատ կարևոր է յուրաքանչյուր օրը սկսել օրվա խոսքը ուսումնասիրելով և ամեն շաբաթ պատրաստվելով ժողովի հանդիպումներին (Գործ. 17։11)։ 5) մեծ օգուտներ ենք ստանում՝ հաճախելով քրիստոնեական հանդիպումներին (Եբր. 10։24, 25)։ 6) բազում օրհնություններ ենք ստանալու, երբ Դրախտը վերականգնվի երկրի վրա (Ես. 11։9)։ 7) առանձնաշնորհում ունենք մասնակցելու հնձի գործին (Հովհ. 4։35)։

Այս ֆիլմը հրաշալի միջոց է, որով կարող ենք հետաքրքրվող անհատներին ծանոթացնել Եհովայի վկաների համաշխարհային գործունեությանը։ 8) Ե՞րբ տեղին կլինի ցույց տալ ֆիլմը Աստվածաշունչ ուսումնասիրողներին, բարեկամներին և ուրիշ մարդկանց։ 9) Ինչպե՞ս են մարդիկ արձագանքել, երբ տեսել են այն։

Երբ մտածում ենք, թե ինչ գործեր է անում Եհովան, մղվում ենք սաղմոսերգուի պես ասելու. «Շատ են քո զարմանահրաշ գործերը, որ արել ես մեզ համար, Ո՛վ Եհովա, իմ Աստվա՛ծ, և շատ են մեր մասին քո մտածմունքները։ Չկա մեկը, որ քեզ հետ համեմատվի» (Սաղ. 40։5)։ Ուրեմն եկեք լավագույնս օգտագործենք այս ֆիլմը և օգնենք մարդկանց գնահատանք զարգացնելու Եհովայի և նրա կազմակերպության հանդեպ։