Հրաշալի միջոց՝ վայելելու Թագավորության երգերը
Աստծու ծառաները երաժշտությունը համարում են Եհովայից ստացած հրաշալի մի պարգև (Հակ. 1։17)։ Շատ ժողովներ հանդիպումները սկսելուց առաջ և ավարտելուց հետո հաճույքով լսում են Թագավորության երգերը։ Այդ երաժշտությունը ասես ներկաներին ուղղված գեղեցիկ ողջույն է։ Մեղեդին տրամադրում է, որ պատրաստվենք երկրպագությանը։ Բացի այդ, դրա շնորհիվ մենք ծանոթանում ենք մեր երգարանի նոր մեղեդիներին, ինչն էլ օգնում է, որ ճիշտ երգենք երգերը։ Իսկ հանդիպումից հետո հնչող երաժշտությունը ստեղծում է հաճելի մթնոլորտ, և արդյունքում կերտիչ ընկերակցություն ենք վայելում։ Ուստի երեցների խորհուրդները պետք է հոգ տանեն, որ հանդիպումներից առաջ և հետո հնչի «Գովերգենք Եհովային» դաշնամուրային կատարումը։ Նրանք պետք է հետևեն, որ երաժշտության ձայնը այնքան բարձր լինի, որ չխանգարի զրուցողներին։