Ի՞նչ է Աստված նպատակադրել մեզ համար

Աստվածաշունչը հաստատում է այն փաստը, որ «կյանքը կարճատև է ու տագնապներով լի» (Հոբ 14։1)։ Արդյո՞ք Աստված հենց այսպիսի կյանքով է ուզում, որ ապրենք։ Եթե ոչ, ապա ո՞րն է նրա նպատակը մեր առնչությամբ։ Այն երբևէ կիրագործվի՞։ Տեսնենք, թե Աստվածաշունչն ինչ է ասում այդ մասին։

1. Ինչպիսի՞ կյանքով է Եհովան ուզում, որ ապրենք

Եհովան ցանկանում է, որ հնարավորինս լավ կյանք ունենանք։ Երբ նա ստեղծեց առաջին մարդկանց՝ Ադամին ու Եվային, նրանց բնակեցրեց գեղեցիկ դրախտում՝ Եդեմի պարտեզում։ Այնուհետև «Աստված օրհնեց նրանց և ասաց. «Բազմացեք, շատացեք, լցրեք երկիրը և տիրեք նրան»» (Ծննդոց 1։28)։ Եհովան ուզում էր, որ նրանք երեխաներ ունենային, երկիրը դրախտի վերածեին և հոգային կենդանիների մասին։ Նրա նպատակն էր, որ բոլոր մարդիկ կատարյալ առողջություն ունենային և հավիտյան ապրեին։

Թեև մեր կյանքն այդպիսին չէa, սակայն Աստծու նպատակը չի փոխվել (Եսայիա 46։10, 11)։ Նա դեռ ցանկանում է, որ հնազանդ մարդիկ հավիտյան ապրեն կատարյալ պայմաններում (կարդա Հայտնություն 21։3, 4)։

2. Ինչպե՞ս կարող ենք իմաստալից կյանք ունենալ այսօր

Եհովան մեզ ստեղծել է «հոգևոր կարիքներով», այսինքն՝ նրան ճանաչելու և երկրպագելու ցանկությամբ (կարդա Մատթեոս 5։3–6)։ Նա ուզում է, որ մտերիմ լինենք իր հետ, «քայլենք նրա բոլոր ճանապարհներով, սիրենք» և ծառայենք իրեն «[մեր] ամբողջ սրտով» (2 Օրենք 10։12; Սաղմոս 25։14)։ Այդպես վարվելով՝ մենք կարող ենք իսկապես երջանիկ լինել՝ չնայած խնդիրներին։ Եհովային երկրպագելը մեր կյանքը իմաստալից է դարձնում։

3. Եհովան հրաշալի նպատակ ունի մարդկանց առնչությամբ

Դիտեք ՏԵՍԱՆՅՈՒԹԸ, այնուհետև քննարկեք հետևյալ հարցը։

ՏԵՍԱՆՅՈՒԹ. «Ինչո՞ւ է Աստված ստեղծել երկիրը» (հատված, 1։41)

• Ինչո՞ւ է Աստված ստեղծել մեր գեղեցիկ մոլորակը։

Կարդացեք Ժողովող 3։11, այնուհետև քննարկեք հետևյալ հարցը։

• Այս համարից ի՞նչ ես սովորում Եհովայի մասին։

4. Եհովայի նպատակը չի փոխվել

Կարդացեք Սաղմոս 37։11, 29 և Եսայիա 55։11 համարները, որից հետո քննարկեք հետևյալ հարցը։

• Որտեղի՞ց գիտենք, որ Եհովայի նպատակը մեր առնչությամբ չի փոխվել։

5. Եհովային պաշտելը մեր կյանքն իմաստալից է դարձնում

ՏԵՍԱՆՅՈՒԹ. «Ես գտա կյանքի իմաստը» (5։03)

• Ինչպե՞ս փոխվեց Թերումիի կյանքը, երբ նա գտավ դրա իմաստը։

Կարդացեք Ժողովող 12։13 և քննարկեք հետևյալ հարցը։

• Ինչպե՞ս կարող ենք ցույց տալ մեր երախտագիտությունը Եհովայի հանդեպ՝ հաշվի առնելով, թե նա որքան բան է արել մեզ համար։

ԱՄՓՈՓՈՒՄ

Եհովան ուզում է, որ երկրի վրա հավիտյան վայելենք կյանքը կատարյալ պայմաններում։ Երբ երկրպագում ենք նրան մեր ողջ սրտով, մեր կյանքն իմաստով է լցվում։

Վերհիշենք

• Ի՞նչ էր Աստված նպատակադրել Ադամի ու Եվայի համար։

• Որտեղի՞ց գիտենք, որ մարդկանց առնչությամբ Աստծու նպատակը չի փոխվել։

• Ինչպե՞ս կարող ես գտնել կյանքի իմաստը։

ԲԱՑԱՀԱՅՏԻՐ ԱՎԵԼԻՆ

Քննիր, թե ինչ փաստեր կան, որ Եդեմի պարտեզն իսկապես գոյություն է ունեցել։

«Եդեմի պարտեզը հեքիա՞թ էր, թե՞ իրականություն» («Դիտարան», 2011 թ. հունվարի 1)

Իմացիր, թե ինչու կարող ենք վստահ լինել, որ Երկիրը կմնա հավիտյան։

«Երկիրը կկործանվի՞» (վեբ հոդված)

Տես, թե Աստվածաշունչն ինչ է ասում կյանքի իմաստը գտնելու վերաբերյալ։

«Ո՞րն է կյանքի իմաստը» (վեբ հոդված)

Տես, թե ինչ էր պակասում մի մարդու կյանքում, որը մտածում էր, թե ամեն ինչ ունի։

«Հիմա կյանքս իմաստ ունի» (3։55)