Թող ժամանցի քո ընտրությունը հաճելի լինի Եհովային

Եհովան «երջանիկ Աստված» է (1 Տիմոթեոս 1։11)։ Նա ուզում է, որ մենք էլ երջանիկ լինենք ու վայելենք կյանքը։ Նրան հաճելի է, երբ մենք ժամանակ ենք տրամադրում հանգստին։ Այս դասում կտեսնենք, թե ինչպես կարող ենք օգտագործել մեր ազատ ժամանակը, որ բավարարվածության զգացում ունենանք և միևնույն ժամանակ գոհացնենք Եհովային։

1. Ի՞նչ պետք է հիշենք ժամանց ընտրելիս

Հանգստի ժամանակ ի՞նչ ես սիրում անել։ Ոմանք նախընտրում են տանը մնալ՝ գիրք կարդալ, երաժշտություն լսել, ֆիլմ դիտել կամ ինտերնետում փնտրտուքներ անել։ Ուրիշներն էլ ավելի ակտիվ ժամանցի սիրահար են. նրանք նախընտրում են ընկերների հետ արշավների գնալ, լողալ կամ խաղ խաղալ։ Ինչպիսի ժամանց էլ որ ընտրենք, պետք է հավաստիանանք, որ այն «ընդունելի [է] Տիրոջը» (Եփեսացիներ 5։10)։ Սա գիտակցելը կարևոր է, քանի որ այսօր աշխարհում տարածված զվարճություններից շատերը պարունակում են բաներ, որոնք տհաճ են Եհովային, օրինակ՝ բռնություն, անբարոյություն և ոգեհարցություն (կարդա Սաղմոս 11։5)։ Ի՞նչը կօգնի, որ ժամանցի ձև ընտրելիս իմաստուն որոշումներ կայացնենք։

Եթե այնպիսի մարդկանց հետ ընկերություն անենք, որոնք սիրում են Եհովային, նրանք լավ ազդեցություն կունենան թե՛ մեզ, թե՛ ժամանցի մեր ընտրության վրա։ Ինչպես տեսանք 48-րդ դասում, «իմաստունների հետ քայլողը իմաստուն կդառնա»։ Մյուս կողմից, եթե կանոնավոր շփվում ենք Աստծու չափանիշներն արհամարհող մարդկանց հետ, «կտուժենք» (Առակներ 13։20)։

2. Ինչո՞ւ է կարևոր վերահսկել, թե որքան ժամանակ ենք տրամադրում զվարճություններին

Նույնիսկ եթե մեր ընտրած ժամանցի ձևը ընդունելի է Եհովայի համար, պետք է ուշադիր լինենք, որ չափից շատ ժամանակ չտրամադրենք դրան։ Այլապես գուցե չհասցնենք ավելի կարևոր բաներն անել։ Աստվածաշունչը հորդորում է. «Ձեզ համար գնեք հարմար ժամանակը» (կարդա Եփեսացիներ 5։15, 16)։

ԻՄԱՆԱՆՔ ԱՎԵԼԻՆ

Իմացիր, թե ինչպես կարող ես ժամանցի հարցում ճիշտ որոշումներ կայացնել։

3. Խուսափիր վնասակար զվարճություններից

Ինչո՞ւ պետք է զգուշությամբ ընտրենք մեր ժամանցը։ Դիտեք ՏԵՍԱՆՅՈՒԹԸ, այնուհետև քննարկեք հաջորդող հարցերը։

ՏԵՍԱՆՅՈՒԹ. «Զվարճության ինչպիսի՞ ձև ընտրեմ» (4։39)

• Ժամանցի որոշ ժամանակակից ձևեր ի՞նչ ընդհանրություններ ունեն հին գլադիատորական խաղերի հետ։

• Դենին ի՞նչ սովորեց զվարճությունների վերաբերյալ։

Կարդացեք Հռոմեացիներ 12։9 և քննարկեք հետևյալ հարցը։

• Այս համարն ինչպե՞ս կօգնի քեզ, որ զվարճությունների ընտրության հարցում ճիշտ որոշում կայացնես։

Ո՞ր բաներն է ատում Եհովան։ Կարդացեք Առակներ 6։16, 17 և Գաղատացիներ 5։19–21 համարները։ Յուրաքանչյուր համարն ընթերցելուց հետո քննարկեք հետևյալ հարցը։

• Այս համարներում նշվածներից որո՞նք են այսօր տարածված ժամանցի տարբեր ձևերում։

Ինչպես կարող ես խելամիտ լինել ժամանցի ընտրության հարցում

Հարցրու ինքդ քեզ.

• Այն պարունակո՞ւմ է Եհովայի համար ատելի որևէ բան։

• Այն խանգարո՞ւմ է, որ զբաղվեմ ավելի կարևոր գործերով։

• Հնարավո՞ր է, որ սկսեմ ավելի մտերմանալ և կանոնավոր շփվել այնպիսի մարդկանց հետ, որոնք չեն սիրում Եհովային։

Վտանգից հարկավոր է հնարավորին չափ հեռու մնալ։ Հետևաբար մենք պետք է հեռու մնանք զվարճության ցանկացած ձևից, որը կարող է վատ անդրադառնալ մեզ վրա

4. Խելամտորեն օգտագործիր ժամանակդ

ՏԵՍԱՆՅՈՒԹ. «Ի՞նչն է տնօրինում ժամանակդ» (2։45)

• Թեպետ եղբայրը ոչ մի վատ բան չէր դիտում, սակայն ի՞նչ առումով էր նրա ժամանցը վնասակար։

Կարդացեք Փիլիպպեցիներ 1։10, այնուհետև քննարկեք այս հարցը։

• Այս համարն ինչպե՞ս կարող է օգնել կողմնորոշվելու, թե որքան ժամանակ արժե տրամադրել հանգստին։

5. Ընտրիր օգտակար ժամանց

Թեև զվարճության որոշ ձևեր տհաճ են Եհովային, սակայն կան ժամանցի շատ ձևեր, որոնք ընդունելի են նրա համար։ Կարդացեք Ժողովող 8։15 և Փիլիպպեցիներ 4։8, այնուհետև քննարկեք հետևյալ հարցը։

• Օգտակար ժամանցի ձևերից որո՞նք ես սիրում։

ԱՄՓՈՓՈՒՄ

Եհովան ուզում է, որ մեր ժամանցը լինի օգտակար և թարմացնող։

Վերհիշենք

• Քրիստոնյաները ինչպիսի՞ ժամանցից պետք է հեռու մնան։

• Ինչո՞ւ պետք է ուշադիր լինենք, թե որքան ժամանակ ենք հատկացնում զվարճություններին և հանգստին։

• Ինչո՞ւ ես ցանկանում, որ ընտրածդ ժամանցի ձևը հաճելի լինի Եհովային։

ԲԱՑԱՀԱՅՏԻՐ ԱՎԵԼԻՆ

Իմացիր, թե ով է պատասխանատու ժամանցի մեր ընտրության համար։

«Կա՞ն ֆիլմեր, գրքեր կամ երգեր, որ արգելքի տակ են Եհովայի վկաների համար» (վեբ հոդված)

Տես, թե ինչպես կարող ես ճիշտ որոշումներ կայացնել հանգստի և զվարճությունների վերաբերյալ։

«Քո ընտրած ժամանցի ձևը օգտակա՞ր է արդյոք» («Դիտարան», 2011 թ. հոկտեմբերի 15)

«Ես ձերբազատվեցի իմ կանխակալ կարծիքից» պատմությունն ընթերցելիս տես, թե մի մարդ ինչու հրաժարվեց իր նախասիրություններից։

«Աստվածաշունչը փոխում է մարդկանց կյանքերը» («Դիտարան», 2010 թ. փետրվարի 1)

Տես, թե մի ծնող ինչպես խելամիտ որոշում կայացրեց ոգեհարցություն պարունակող ժամանցի վերաբերյալ։

«Հեռու մնա ոգեհարցություն պարունակող ժամանցի ձևերից» (2։02)