Լինենք Եհովայի ընկերը

1. Ո՞ւմ թույլ կտաս, Բարձրյա՛լ,

Քեզ հետ մտերմանալ։

Ո՞վ է կարող ընկերդ դառնալ,

Միշտ քո կողքին մնալ։

Նա, ով թևատարած

Ջերմ գիրկն է քո շտապում,

Ով անարատ է ու նվիրված,

Քեզ է ապավինում։

2. Ո՜վ հյուրընկալ Աստված,

Ո՞ւմ քեզ մոտ կընդունես,

Ո՞ւմ նայելիս հպարտ կժպտաս

Ու լիուլի կօրհնես։

Հավատարիմ մարդուն,

Ով հնազանդ է քեզ,

Ով անխարդախ, ազնիվ է վարվում,

Սիրտն է նրա անկեղծ։

3. Մեր լավագո՛ւյն Ընկեր,

Քեզ ենք մենք մոտենում,

Քո վեհության առջև խոնարհվում,

Քեզ ի սրտե դիմում։

Քո հոգատար գրկից

Չենք հեռանա երբեք։

Դու մեր Ընկերն ես՝ ջերմ, կարեկից։

Սերդ թող զգանք հավետ։