EPURIRO 2
Mo yenene vi okurihonga ohunga na Mukuru?
“Ngoo zembi Embo ndi rOmatwako. Rihonga ro omutenya nouṱuku, nu u yenenise nouṱakame avihe mbya tjangwa mu ro. Indino mo rire omuindandu, nu mo ṋingapara.”
Josua 1:8
“Owo va tanaura Omatwako waNdjambi mOtjiaramei, nave ye mangurura kutja otjiwaṋa tji zuve nawa.”
Nehemia 8:8
“Omuṋingandu omundu ngwa tonda omapopa wovarunde . . . , Omuṋingandu ingwi ngu muna ondjoroka mokuṱakamisa omatwako waMuhona, nu ngu rizemburuka na wo omutenya nouṱuku. . . . Omundu ngwi u ṋingapara mu avihe mbye tjita.”
“Filipus wa tupuka ketemba na kazuva ingwi omurumendu tji ma lese membo romuprofete Jesaja. Eye we mu pura a tja: ‘Omambo ngu mo lese mo ye zuu kutja maye hee tjike?’ Omuetiopi wa zira a tja: ‘Me sora vi okuzuva ambi hi nomundu ngu me ndji mangururire?’”
“Okuza kombutiro youye imbi ovihamunika vyaNdjambi, okutja omasa we waaruhe nongaro ye otja ngu ri Ndjambi, vya vandururwa poruhaera; ovyo vi munikira kovitjitwa vye. Ovandu mba otji ve hi na maave tja kave nondjo oparukaze!”
“Ripurira oviṋa mbi nu u zikame mu vyo, kokutja omaryameno woye komurungu ye munike kovandu avehe.”
“Ngatu rikenderasane mokupandiparisasana morusuvero na moviungura oviwa. Atu isa okuyenda kozombongarero zombongo.”
“Nu mokati keṋu tji pe na ngu ma hepa ounongo, nga kumbe ku Njdambi, nEye me mu pe, Ndjambi tjinga e yandja nouharupu notjari ku avehe.”
Jakobus 1:5