Ozondemone Ozonḓepe!
Satana nozondemone aruhe va ri ovatwe novanaumba. Motuveze twarukuru Satana wa zepa ovinamuinyo novakarere vaJob omuṱakame. Okuzambo eye wa zepa ovanatje omurongo vaJob mokutjitisa “otjivepo” okuyandeka ondjuwo owo mu va ri. Kombunda yaimbyo Satana wa wira Job ‘novirwaro morutu rwe aruhe.’—Job 1:7-19; 2:7.
Momayuva waJesus, ozondemone za setisa ovandu tjiva omaraka nokupoṱuparisa. (Mateus 9:32, 33; 12:22) Ozo za hihamisa omurumendu umwe naze mu tjiti okurikonda omuini nomawe. (Markus 5:5) Ozo wina za urakanisa omuzandu, aze mu vanda pehi, naze “mu horisa orutu.”—Lukas 9:42.
Moruveze rwanare, ozondemone za verisa ovandu tjiva nu varwe za horisa otutu
o, Satana nozondemone ve ri otjovazepe otja aruhe. Mouatjiri, ovitjitwa ovivi vyawo vya ririra ko ovingi okuza indu tji va za nokunakaurwa okuza meyuru. Omahepuriro okuza mouparanga wouye maye hongonona koutwe wawo. Owo ve kurungisa ovandu tjiva nomitjise. Varwe owo ve kavira ouṱuku, amave ve yeka ozomboṱu poo mokuvepa oturoto otuvi. Varwe owo ve temangura movitjitwa vyoruvakiro. Ngundee varwe ve hinga koviwoze, komazepero, poo kokurizepa.
Ozondemone ku ndino ze tandiparisa ovandu tjiva; ozo ze kavira varwe mouṱuku, amaze ve pe oturoto otuvi
Lintina, ngwa tura mu Suriname, ma serekarere kutja ondemone, poo ombepo ombi, ya zepa ouṋepo 16 weṱunḓu re nai mu hihamisa morutu na mouripura oure wozombura 18. Okuza kondjiririra ndja ri nayomuini eye ma tja ozondemone “ze yorokera okuhihamisa ozongaripira nḓe ha vanga zazo ngandu konḓiro.”
Nungwari Jehova ma yenene okutjevera ovakarere ve komawiro waSatana.—Omiano 18:10.