ORUPA 1

Eṱe matu yenene vi okupuratena ku Mukuru?

Mukuru u hungira kuna eṱe okupitira mOmbeibela. 2 Timoteus 3:16

Jehova wa hinga ovarumendu okutjanga Ombeibela okuza kotjihavero tje tjouhona meyuru

Mukuru watjiri wa hinga ovarumendu okutjanga ouripura we membo rimwe eyapuke. Embo ndo oro Ombeibela. Mu ro mu nondjivisiro onanḓengu Mukuru ndje vanga kutja u i tjiwe.

Mukuru u tjiwa imbi mbi ri ovisemba kweṱe neye ongu ri ombutiro younongo auhe. Tji wa puratene ku ye, ove tjiri mo rire onongo.—Omiano 1:5.

Ombeibela momaraka omengi; omurumendu ngu ma lese Ombeibela meraka re

Mukuru u vanga kutja omundu auhe kombanda yehi ma lese Ombeibela. Oyo nai i munika momaraka omengi.

Tji mo vanga okupuratena ku Mukuru, ove mo sokulesa Ombeibela nokuizuva nawa.

Ovandu koṋa akuhe ve puratena. Mateus 28:19

Omuhongonone waJehova ma lesere omurumendu etjangwa rOmbeibela okuzambo me rihongo Ombeibela kuna ye

Ovahongonone vaJehova mave yenene okukuvatera kutja u zuve Ombeibela nawa.

Owo ve honga ovandu mouye auhe ouatjiri ohunga na Mukuru.

Ombongarero yombongo pEtuwo rOmerikotameneno rOvahongonone vaJehova

Ove ko nakuhepa okusuta otjiṋa kutja u mune omahongero nga. Ove wina mo yenene okurihonga ohunga na Mukuru pEtuwo rOuhona momaturiro woye.