ORUPA 3

Ongaro yehupo mOparadisa ya sanene pi?

Jehova wa yandjere oviṋa ovingi oviwa ku Adam na Eva. Genesis 1:28

Jehova tja za nokuungura Eva, Eye we mu yandja ku Adam

Jehova wa ungura omukazendu omutenga, Eva, nu e mu yandja ku Adam a rire omukazendu we.—Genesis 2:21, 22.

Jehova we ve mema nourizemburuka notutu otuhomonena, tu tu ha ri notjipo.

Adam na Eva mave tara komaturiro wawo wOparadisa

Omaturiro wawo ya ri otjikunino tjaEden, tji tja ri oruveze oruwa orumanise ndwa ri nozonḓonḓu nomiti vyovihape novipuka.

Jehova aa hungire ku na wo nu ee ve hongo. Andakuzu va puratena ku ye, owo atjave hupa nga aruhe mOparadisa kombanda yehi.

Mukuru we ve raera kutja a ve ri komuti umwe motjikunino. Genesis 2:16, 17

Omuti motjikunino Jehova mbwa raera Adam na Eva kutja ave ri ko

Umwe wovaengeli wa pirukira Mukuru. Omuengeli omurunde ngwi oSatan Omudiaboli.

Omuengeli omurunde, Satan Omudiaboli, ma ungurisa onyoka okuhungira kuna Eva

Jehova wa raisira Adam na Eva omuti umwe wovihape motjikunino nu e ve raere kutja tji va ri ku wo mave ṱu.

Satan kena pa vanga kutja Adam na Eva ve puratene ku Jehova. Okutja wa ungurisa onyoka okuraera Eva kutja tja ri kotjihape tji va tjaerwa okurya, eye kamaa koka, nungwari ma sana ku Mukuru. Ihi tja ri otjizeze.—Genesis 3:1-5.