ORUPA 6

Matu rihongere tjike kOmupupo omunene?

Mukuru wa yandeka ovandu ovarunde na yama Noa neṱunḓu re. Genesis 7:11, 12, 23

Otjitendeze tji matji tendeza kombanda yomeva, ovandu ovarunde mbu mave ṋinwa i omeva, ovandu ovarunde novaengeli va isa otutu twawo twonyama

Ombura ya roka oure womayuva 40 nomauṱuku 40 nomeva ya vandeka ehi arihe. Ovandu avehe ovarunde va ṱa.

Ovaengeli ovapirukire va tanaura otutu twawo twonyama nave rire ozondemone.

Noa neṱunḓu re, novipuka va pita motjitendeze nu pa munika outa wombura meyuru

Imba mba ri moskepi va yamwa. Nandarire kutja Noa neṱunḓu re korusenina va kaṱa, Mukuru me ve pendura rukwao nave hupu nga aruhe.

Mukuru ma yandeke ovarunde rukwao nu ma yama ovasemba. Mateus 24:37-39

Satan nozondemone ve ungurisa omiano omingi okupukisa ovandu

Satan nozondemone ze ve kayenda komurungu okupukisa ovandu.

Ovandu ndino ve nakaura omaronga waJehova tjimuna imbo voruveze rwaNoa. Moruveze rwatjimanga Jehova ma yandeke ovandu avehe ovarunde.—2 Petrus 2:5, 6.

Ovahongone vaJehova mave ungurisa Ombeibela okuzuvarisira omurumendu; omurumendu ngu ma lese Ombeibela

Ovandu tjiva ve ri tjimuna Noa. Owo ve puratena ku Mukuru nu ve tjita otja pu ma hungire. Ovandu mba Ovahongonone vaJehova.