Owaṋi tjiri ngu honaparera ouye?

OMBEIBELA MAI TJA

“Ouye auhe u ri kehi youhonapare waingwi umwe Omunaurunde.”—1 Johanes 5:19.

“Omuna wOmundu otjiṋa tje era porwatjo okwo ngwi okuyekuyandeka imbi oviungura vyaSatan.”—1 Johanes 3:8.

ONDJIVIRO NDJI MAI KU VATERE VI?

Mai ku vatere okutjiwa kutja ongwaye tji ku nomauzeu omengi nao.—Omavandururiro 12:12.

Nu mai ku pe epu ewa rokukambura kutja ozongaro mouye mbwi maze karira ozombwa.—1 Johanes 2:17.

MATU YENENE OKUKAMBURA MOMBEIBELA TJIRI?

Ii tjinene, mena romapu yetatu nga:

• Ouhonapare wa Satan ombandjarero. Jehova u nondando yokuyandeka ouhonapare wa Satan. Eye wa kwizika kutja ma ‘yandeke Satan’ na isa po onyoneno aihe Satan ndja eta kombanda yehi.—Ovaheberi 2:14.

• Mukuru wa toorora Jesus okurira ombara youye mbwi. Jesus wa panguka tjinene komuhonapare wouye mbwi womunenetima nu ngu hi nombinḓu komutima. Ohunga nouvara wa Jesus, Mukuru wa kwizika kutja: ‘Oyo mai tjariparere omusyona nomuhepe. Mai kutura omiinyo vyawo kondatumisire na kozondjito zoutwe.’—Epsalme 72:13, 14.

• Mukuru ka kora ovizeze. Ombeibela i hungira oukahu kutja: “Ndjambi ka wovisa.” (Ovaheberi 6:18) Jehova tja kwizike otjiṋa pa sana tjimuna tja tjitwa rukuru. (Jesaja 55:10, 11) “Omuhonapare wouye mbwi ma rambwa mouhonapare.”—Johanes 12:31.