Orutuu kovanene

Otjiyandjewa otjinenenene tji mo yenene okuyandja kovanatje voye otjikeṋa? Owo ve hepa oviṋa ovingi, tjimuna orusuvero rwoye, nomavyuriro nondjeverero yoye. Nungwari otjiyandjewa otjihuze tjinene tji mo yenene okuyandja kovanatje voye, ondjiviro yaJehova nouatjiri mbu ri mEmbo re Ombeibela. (Johanes 17:3) Ondjiviro ndjo mai vatere ovanatje voye okusuvera Jehova nokumukarera nomutima auhe, nandarire ngunda ave ri ovaṱiṱi.—Mateus 21:16.

Ovanene ovengi va muna kutja ounatje ouṱiṱi u yandja ombango nawa tji wa kara nomahongwa omasupi noviungura oviṱiṱi uriri. Okutja tu nonyuṋe tjinene okumupa okambo nga Omahongwa wandje wOmbeibela. Ehongwa arihe ra rongerisiwa momuano omupupu. Oviperendero nomambo nga tjangwa mokambo nga, tjinene vya rongerisirwa ounatje wozombura ndatu nokehi yanao. Oviṋa ovanene mbi mave sokutjita wina vya tjangwa mo. Okambo nga Omahongwa wandje wOmbeibela katjinyandisiwa, nungwari ka tjangerwa kutja ovanene ve lese pu novanatje vawo nokuhungira kuna wo.

Tu nongamburiro okuura kutja okambo nga make mu vatere okuhonga ounatje weṋu ouatjiri wOmbeibela “okuza kouṱiṱi.”—2 Timoteus 3:14, 15.

Ovakambure ovakweṋu,

Orutu Orunane rwOvahongonone vaJehova