Otjari

Oviṋa Jesus mbya tjita

OKAVIDIO: Jesus ma ṱire otjimbumba tjovandu ondjenda

1. Tarera OKAVIDIO, poo lesa Markus 6:30-34. Okuzambo tara komapuriro ngu maye kongorere mba:

1. Omena raye Jesus novahongewa ve tjaave zeri ‘okukakara aveyerike’?

2. Otjikwaye tji tja hinga Jesus okuhonga otjimbumba tjovandu?

Matu rihongere ko ye okuza ku Jesus?

2. Eṱe tu vanga okuraera ovandu ombuze ombwa, posi ya wina tu vanga okuvevatera.

Horera ku Jesus

3. Puratena nawa. Yandjera omundu okukuraera oviṋa mbi me ripura. O mu kurungisa nu o hakahanene po okuhinokuyandja ombango komerikendero we poo omapirukiro we. Indu tji mo puratene nawa ku ye, ove u raisa kutja u rikendera koviṋa eye mbye ripurira ko.

4. Ripura ohunga nomundu ngwa raisa onḓero. Okuza kehungi ndi mwa ri na ro, ripura omuini kutja:

1. ‘Omena raye eye tji ma hepa okuzuva ouatjiri?’

2. ‘Okurihonga Ombeibela maku mu etere vi ouwa mehupo re nai na wina moruyaveze?’

5. Hungira ohunga noviṋa mbi mavi yenene okumuvatera. Moruveze rwatjimanga, mu raisira omuano wokurihonga Ombeibela mu maku yenene okuzira omapuriro we nokumuvatera momiano omingi pekepeke.