Ondunge Yokukonḓonona
Hapo ove u muna ouwa okuza momakahururiro womazeva wOmbeibela nge ri mOkambo komakonḓononeno kOvahongonone va Jehova?
Omakahururiro nga maye yenene okukuvatera kutja u konḓonone Embo ra Mukuru oukoto. Owo mape ya aye kamburire mo omuano ovitjitwa mbya tamunwa mezeva rOmbeibela mu vya kayenda. Nu wina mavi ku vatere okumuna kutja vya tjangerwa iye, vya tjangwa kooveṋe, nokutja omambo nomapu kaaṋi ye nomaheero waye.
O-Watchtower ONLINE LIBRARY™ no-JW Library® ye ku twara komambo nge ri mOkambo komakonḓononeno okuza mezeva rOmbeibela. Ove mo yenene okumuna omambo nga, pombandi ndji ri kombanda komamuho mekondwa ngamwa arihe, mu ngamwa Ombeibela ndji ri mozoprograma nḓo.
Otja tji mo ungurisa omambo nga, yandja ombango komayuva. Otupa otupe tu kara pomautiro. Otja tji mo i kehi, otupa otukuru mape ya atu kara nomakahururiro ingo omakuru nge he ri ingo omape.
Mo-Watchtower ONLINE LIBRARY omambo nge ri mOkambo komakonḓononeno mo ye vaza mbo rukuru, tji wa i kezeva.
Kutja u mune omambo ngo mezeva kaaṋi ndo mo-JW Library, mo hepa okunana Okambo komakonḓononeno tji katarururwa rukwao nokupitisiwa. Kutja u tjite nao, mo yenene okunḓereka pombandi ndji ri kombanda pomamuho mekondwa ngamwa arihe rOmbeibela.