2. Omomuano uṋe mu matu sokurikotamena ku Jehova?

Eṱe matu sokurikotamena ku Jehova erike, mena rokutja eye Omuute wetu. (Omavandururiro 4:11) Ihi matji hee kutja matu sokumusuvera nokurikotamena ku ye erike, nokuhinakuungurisa oviserekarera.—Lesa Jesaja 42:8.

Omerikotameno wetu ku Jehova maye sokurira ‘omayapuke, Eye me nonyuṋe.’ (Ovaroma 12:1) Ihi matji hee kutja matu sokukara nonḓuviro komatwako we. Otjotjihorera, imba mba suvera Jehova ve suvera nokukongorera ozoveta ze ohunga norukupo. Owo ve nakaura omaungurisiro womaka poo ovipurukise poo omaungurisiro omavi wotjikariha.a

3. Tjevera ouveruke woye

Mena rokutja twa kwizikira Jehova okutjita ngamwa atjihe tji ma vanga, eṱe tu ungurisa ehupo retu okumukarera. I ri tjimuna tu yandja otutu twetu otjombunguhiro ku Mukuru. Lesa Ovaroma 12:1, 2, nu okuzambo hungirira komapuriro nga:

• Otjikwaye tji matji sokukuhinga okutjevera ouveruke woye?

• Omomiano viṋe tjiva mu mo yenene okutjita nao?