Okuhungira momuano mbu tu hungira aruhe

Oviṋa Filipus mbya tjita

OKAVIDIO: Filipus ma zuvarisa kOmuetiopi

1. Tarera OKAVIDIO, poo lesa Oviungura 8:30, 31. Okuzambo tara komapuriro ngu maye kongorere mba:

1. Omomuano uṋe Filipus ma uta ehungi?

2. Ongwaye imbwi tji wa ri omuano omupupu wokuuta ehungi nokuhonga omurumendu ngwi oviṋa ovipe?

Matu rihongere ko ye okuza ku Filipus?

2. Indu tji twa utu ehungi momuano mbu tu hungira aruhe, i rira oupupu komundu warwe okurira omupaturuke nokukara nonḓero yokupuratena kombuze yetu.

Horera ku Filipus

3. Tara oviṋa ongondoroka na ove. Mo yenene okurihonga ovingi ohunga nomundu otja tji mo tara komuano mbu ma munika nombuniko yomurungu we. Hapo omundu ma munika aayo u nonḓero yokuhungira ku na ove? Ove mape ya o utu okuhungira ohunga notjiṋa okuza mOmbeibela, mokumupura kutja: “Hapo ove oo tjiwa kutja . . . ?” O ṋiṋikiza omundu ngu hi nokuvanga okuhungira ku na ove.

4. Kara nomuretima. O munu kutja mo sokuhakahanena po okuhungira ohunga nOmbeibela. Undja oruveze orusemba kutja u yenene okuhungira momuano omupupu. Povikando tjiva, mape ya mo sokuundja nga otjikando tjarwe tji mo kakara nehungi ku nomundu ngo.

5. Rira omupaturuke okurundurura ehungi. Omundu mape ya a utu okuhungira ohunga notjiṋa tji u hi na wa ri amo undjire ko. Kara nonḓero okuhaṋasana otjiṋa tji matji ṱunu komundu, nandarire kutja mo sokuhungirira kouatjiri wOmbeibela mbwa panguka ku imbwi mbu wa ri amo ripurire ko.