Rongerisa omutima woye

Indu tji matu konḓonona Ombeibela, tu vanga kutja imbi mbi matu rihongo ohunga na Jehova vi ṱune komitima vyetu, omeripura, nozonḓero zetu. Eṱe matu yenene okuhorera ku Esra ngwa “rongerisa omutima we okukonḓonona Omatwako wa Jehova.” (Esra 7:​10, NWT) Matu yenene vi okuhorera ku Esra?

Kumba. Ngunda au hi ya uta okukonḓonona, kumba. Ningira Jehova okukuvatera kutja u zuve nawa nokuungurira ku imbi mbi mo rihongo.—Eps. 119:​18, 34.

Risusuparisa. Mukuru u horeka ouatjiri ku imba mbe ritongamisa, nu mbe muna kutja kave nokuhepa ombatero ye okuzuva Ombeibela. (Luk. 10:21) Nu wina katu nokuvanga okukonḓonona nondando yokuraisira varwe kutja matu tjiwa ovingi. Indu tji matu hepa okutjita omarundurukiro, eṱe matu sokutjita nao nomerisusuparisiro.

Puratena komaimburiro wetu. Omaimburiro ye ṱuna kongaro yetu. Ku nao, indu tji matu puratene keimburiro komurungu womakonḓononeno, maku yenene okutuvatera kutja tu yandje ombango ku Jehova kutja oviṋa mbi matu rihongo vi ṱune komitima vyetu.