Isaiah
12 Ba hari nya, nuan tentu deka madahka:
“O Jehovah, terima kasih,
Laban taja pan Nuan ringat ngagai aku,
Pengeringat Nuan majak kurang, lalu Nuan ngelantangka ati aku.
2 Petara meh Penyelamat aku.
Aku pechayaka Iya lalu aku enda takut;
Jah* nya pengering aku; Jehovah nya kuasa aku,
Lalu Iya udah nyelamatka aku.”
3 Kita deka gaga ati nyauk ai
Ari mata ai pengelepas.
4 Ba hari nya, kita deka madah:
“Beri terima kasih ngagai Jehovah lalu kangauka nama Iya!
Padahka pengawa Iya ngagai semua orang!
Tusui meh pemesai mulia nama Iya!
5 Belagu meh muji* Jehovah laban Iya udah ngereja utai ti luar biasa.
Awakka serata dunya nemu pasal pengawa Iya.
6 O orang Sion, manjung meh enggau naka pengaga ati,
Laban Petara Israel ti Kudus ke bisi enggau kita amat bemulia.”