Pemungkal

10 Tu cherita pasal bala anak lelaki Noah, iya nya Sem, Ham, enggau Japet.

Pengudah Bah Besai, sida bisi bala anak lelaki. 2 Bala anak lelaki Japet nya Gomer, Magok, Madai, Jaban, Tubal, Mesek, enggau Tiras.

3 Anak lelaki Gomer nya Askenas, Ripat, enggau Togarmah.

4 Anak lelaki Jaban nya Elisah, Tarsis, Kitim, enggau Dodanim.

5 Peturun sida mindah ngagai sebelah pulau nitihka bansa, jaku, enggau menua sida.

6 Anak lelaki Ham nya Kus, Misraim, Put, enggau Kanaan.

7 Anak lelaki Kus nya Seba, Habilah, Sabtah, Ramah, enggau Sabteka.

Anak lelaki Ramah nya Sheba enggau Dedan.

8 Kus mega bisi anak ke benama Nimrot. Nimrot nya orang keterubah nyadi ketuai ti bekuasa ba dunya. 9 Iya siku pemburu ti landik ke ngelaban Jehovah. Nya kebuah kekadang lebuh sesiku orang disemaka baka Nimrot, orang madah: “Iya baka Nimrot, pemburu ti landik ke ngelaban Jehovah.” 10 Kuta ti keterubah ke dipegai Nimrot nya Babel, Erek, Akat, enggau Kalneh, ba menua Shinar. 11 Udah nya, iya ngagai Asiria lalu numbuhka kuta Nineweh, Rehobot-Ir, Kalakh, 12 enggau Resen, ke ba entara Nineweh enggau Kalakh. Empat iti kuta tu nyadi siti nengeri ti besai.*

13 Anak lelaki Misraim nya Ludim, Anamim, Lehabim, Naptuhim, 14 Patrusim, Kasluhim, enggau Kaptorim.* Orang Pilistin nya peturun Kasluhim.

15 Anak lelaki Kanaan ke tuai nya Sidon. Anak iya ke siku da agi nya Het. 16 Orang Jebus, orang Amor, orang Girgas, 17 orang Ibi, orang Arki, orang Sin, 18 orang Arbat, orang Semar, enggau orang Hamat nya peturun Kanaan. Udah nya, peturun Kanaan ngachir ngagai endur bukai. 19 Sempadan endur orang Kanaan diau nya ari Sidon ngagai Gerar, semak Gaza, sampai Sodom, Gomorah, Admah, enggau Seboim, semak Lasa. 20 Tu meh peturun Ham ke diau ba menua sida empu, nitihka bansa enggau jaku sida.

21 Menyadi Japet,* iya nya Sem mega bisi anak. Eber enggau semua peturun iya datai ari Sem. 22 Anak lelaki Sem nya Elam, Asur, Apasat, Lut, enggau Aram.

23 Anak lelaki Aram nya Uz, Hul, Geter, enggau Mas.

24 Anak Apasat nya Selah, lalu anak Selah nya Eber.

25 Eber bisi dua iku anak lelaki. Siku benama Pelek,* laban maya iya idup, orang ba dunya bepechah-belah lalu ngachir ba serata endur. Lalu siku da agi benama Joktan.

26 Anak lelaki Joktan nya Almodat, Selep, Hasarmabet, Jerah, 27 Hadoram, Usal, Diklah, 28 Obal, Abimael, Sheba, 29 Opir, Habilah, enggau Jobap. Semua sida tu anak lelaki Joktan.

30 Sida diau ari Mesa ngagai Separ, kawasan gunung ba Timur.

31 Tu meh peturun Sem ke diau ba menua sida empu, nitihka bansa enggau jaku sida.

32 Tu meh cherita pasal ruang bilik bala anak lelaki Noah, nitihka peturun enggau bansa sida. Pengudah Bah Besai, semua peturun sida ngachir ba serata dunya.