Jaku-Dalam
2 Orang ke bepenemu-dalam nyebut utai ngena penemu,
Tang orang ke beli nyebut utai ti beli.
3 Jehovah meda utai ti nyadi ba semua endur;
Iya beratika orang ti jai enggau orang ti manah.
5 Orang ke beli ngemaruhka disiplin apai iya,
Tang orang ke pintar nerima jaku rara.
6 Rumah orang ke lurus bisi mayuh reta,
Tang utai ke diulih orang ke jai mai penusah ngagai diri empu.
7 Mulut orang ke bepenemu-dalam ngerembaika penemu,
Tang orang ke beli enggai ngereja nya.
8 Jehovah amat begedika pemeri ke diserahka orang ke jai,
Tang sampi orang ke lurus ngelantangka ati Iya.
9 Jehovah begedika jalai orang ke jai,
Tang Iya rinduka orang ke ngereja utai ti lurus.
10 Disiplin nya tegas ba orang ke ninggalka jalai ti bendar,
Lalu barang sapa ke begedika jaku rara deka mati.
11 Kubur* enggau endur bangkai reput* ulih dipeda Jehovah magang.
Anang agi ati mensia!
12 Orang ke sumbung* enda rinduka orang ke ngerara iya;
Iya enda minta jaku ajar ari orang ke bepenemu-dalam.
13 Ati ti gaga ngasuh mua tuchum,
Tang ati ti pedis ngasuh putus asa.
14 Orang ke ngembuan ati ti nemu meretika utai ngiga penemu,
Tang mulut orang ke beli rinduka pemeli.
15 Orang ke merinsa endang seruran idup merinsa ninting hari.
Tang orang ke lantang ati endang seruran gaga ati.
16 Manah agi bisi mimit utai lalu nangika Jehovah,
Ari ke bisi mayuh reta tang berasai irau.
17 Manah agi makai sayur enggau ati ti bisi pengerindu,
Ari ke makai dagin sapi ti pemadu manah tang enggau ati ti begedi.
18 Orang ke jampat ringat ngasuh laya nyadi,
Tang orang ke lubah ringat madamka laya.
19 Jalai orang ke buruk gawa baka pagar ti beduri,
Tang jalai orang ke lurus baka jalai ti rata.
20 Anak ke bepenemu-dalam ngagaka ati apai iya,
Tang anak ke beli ngemaruhka indai iya.
21 Orang ke enda nemu berunding rinduka utai ti beli,
Tang orang ke bisi runding ti dalam nitihka jalai ti betul.
22 Pelan enda ulih mujur enti nadai berandau dulu,*
Tang pelan ulih mujur enti bisi mayuh penasihat.*
23 Orang gaga ati laban meri saut ti betul;
Naka meh pemanah jaku ke disebut ba maya ti ngena!
24 Orang ke ulih meretika utai enggau dalam bejalai niki ke atas, iya nya jalai pengidup,
Lalu nyeliahka jalai ke nurun ngagai Kubur.*
25 Jehovah deka ngerubuhka rumah orang ke sumbung,
Tang Iya deka ngelindung sempadan tanah indu ke balu.
26 Jehovah begedika pelan orang ke jai,
Tang Iya rinduka jaku ti ngenyamaika ati.
27 Orang ke ngulihka penguntung ngena jalai muntang ngenusahka* ruang bilik diri,
Tang orang ke begedika rasuah deka terus idup.
29 Jehovah jauh ari orang ke jai,
Tang Iya ninga sampi orang ke lurus.
30 Mata ti beperenching ngasuh ati gaga;
Berita manah meri pengering.
31 Orang ke mendingka jaku rara
Disengkaum enggau orang ke bepenemu-dalam.
32 Barang sapa ke nulak disiplin enda pedulika nyawa diri,
Tang orang ke mendingka jaku rara deka bepenemu-dalam.
33 Nangika Jehovah ngelatih orang bepenemu-dalam,
Lalu pemaruh ati mai mulia.